ចាំស្វាគមន៍ផង! ភ្នាក់ងារកីឡាករ Ajax ម្នាក់នេះបង្ហើបថាគេជិតផ្ទេរមក Man UTD ហើយ

ហូឡង់៖ ភ្នាក់ងាររបស់ខ្សែការពារ Jurrien Timber នៃក្លិប Ajax បានបង្ហើបតម្រុយថាកីឡាកររូបនេះជិត​នឹងផ្លាស់មកក្លិបបិសាចក្រហម Manchester United ហើយ។

​ លោក Erik Ten Hag ដែលជាអតីតគ្រូរបស់ Ajax ត្រូវបានតែងតាំងឲ្យក្លាយជាគ្រូបង្វឹករបស់បិសាចក្រហមចាប់ពីរដូវកាលក្រោយទៅ ហើយលោកទំនងជាចង់យក Timber មកកាន់ទឹកដី Old Trafford ដែរ។

ទន្ទឹមនឹងពាក្យចចាមអារ៉ាមនោះ ​ ភ្នាក់ងាររបស់គេគឺក្រុមហ៊ុន Forza Sports Group បានបង្ហោះវីដេអូនៅព្រលានយន្តហោះ ក្រោមពាក្យមួយឃ្លាថា៖

យ៉ាងណាមិញ Jurrien Timber នៅសល់កុងត្រាជាមួយ Ajax រហូតដល់ឆ្នាំ២០២៤ ដោយបង្ហាញខ្លួនបាន៣៨ប្រកួតឲ្យ Ajax នារដូវកាលនេះ៕

ប្រភព៖ thesun