មានលក្ខខណ្ឌ! Messi នឹងត្រឡប់មក Barca វិញនៅក្នុងឆ្នាំ២០២៣ លុះត្រាតែក្លិបលក់ម្នាក់នេះចេញសិន

អេស្ប៉ាញ៖ ខ្សែប្រយុទ្ធក្លិប Paris Saint Germain កីឡាករ Lionel Messi ហាក់បង្ហាញចំណាប់អារម្មណ៍ក្នុងការត្រឡប់មកកាន់ Barcelona វិញនៅក្នុងឆ្នាំ២០២៣ ប៉ុន្តែ រូបគេក៏ទាមទារលក្ខខណ្ឌមួយដ៏ចាំបាច់ផងដែរ។

ជាការពិតណាស់ Messi បានចាកចេញពី Barcelona ទាំងអាឡោះអាល័យមុនចាប់ផ្តើមនេះដោយសារតែច្បាប់ហិរញ្ញវត្ថុរបស់ក្របខណ្ឌ La Liga បានបង្ខំចិត្តឲ្យគេចាកចេញ និង បន្តចូលរួមជាមួយ PSG។ យ៉ាងណាក៏ដោយ ការមកដល់ទឹកដីបារាំង គឺ គ្រប់យ៉ាងមិនងាយស្រួលដូចការរំពឹងទុកឡើយ ដោយស្ថិតិគ្រាប់បាល់របស់គេធ្លាក់ចុះខ្លាំងមែនទែនដោយអាចរកបានត្រឹម១១គ្រាប់ប៉ុណ្ណោះនៅក្នុងរដូវកាលនេះដំបូងរបស់ខ្លួន។ 

ហេតុនេះក៏មានលេចឮនូវពាក្យចចាមអារ៉ាមថា រូបគេចង់វិលត្រឡប់មកកាន់ Barcelona វិញ ប៉ុន្តែបើយោងទៅតាមការចុះផ្សាយរបស់កាសែតកីឡា El Nacional បានលើកឡើងថា វាអាចកើតឡើងបានក្នុងលក្ខខណ្ឌមួយប៉ុណ្ណោះ គឺ កីឡាករសញ្ជាតិអាហ្សង់ទីនខាងលើ ចង់ឲ្យក្រុមអ្នកមានបុណ្យចាំបាច់លក់ Gerard Pique ចេញពីក្រុមមុនពេលដែលគេមកដល់ ពីព្រោះទំនាក់ទំនងរបស់អ្នកទាំងពីរត្រូវបានគេដឹងថាបានប្រេះស្រាំហើយ៕

ប្រភព៖ sportskeeda