ឈប់រអ៊ូទៅ! លោក Conte ផ្ដាំទៅគ្រូបង្វឹករូបនេះ ឲ្យផ្ដោតសំខាន់ទៅលើការងារក្រុម កុំគិតតែត្អូញត្អែរច្រើនអត់ប្រយោជន៍ - Khmerload

ឈប់រអ៊ូទៅ! លោក Conte ផ្ដាំទៅគ្រូបង្វឹករូបនេះ ឲ្យផ្ដោតសំខាន់ទៅលើការងារក្រុម កុំគិតតែត្អូញត្អែរច្រើនអត់ប្រយោជន៍

https://s9.kh1.co/a3/a337cff6f09a3031f2ae72179e9b148669295eca.jpg
កីទ្បា
 14-May-2022 5pm · 8 days ago

លោក Conte ផ្ដាំទៅគ្រូបង្វឹករូបនេះ ឲ្យផ្ដោតសំខាន់ទៅលើការងារក្រុម កុំគិតតែត្អូញត្អែរច្រើនអត់ប្រយោជន៍

អង់គ្លេស៖ លោក Antonio Conte បានប្រាប់លោក Mikel Arteta ឱ្យឈប់ត្អូញត្អែរ បន្ទាប់ពីក្រុម មាន់ខ្នាយមាស Tottenham Hotspur បានយកឈ្នះក្រុមកាំភ្លើងធំ Arsenal 3-0 ក្នុងការប្រកួតដ៏ចម្រូងចម្រាសនៅជំនួប North London Derby កាលពីយប់ថ្ងៃព្រហស្បតិ៍។

https://s9.kh1.co/__image/w=650,h=434,q=100/bd/bdc87f0a8bdfb1e25bfe057f9493b74a51b2e3c3.png
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពីរគ្រាប់របស់ Harry Kane ក្នុងតង់ទីមួយ និងមួយគ្រាប់ទៀតពី Heung Min Son នៅតង់ទី២ បានជួយឱ្យ Spurs ទទួលជ័យជម្នះនៅចំពោះមុខអ្នកគាំទ្ររបស់ពួកគេ ហើយបន្តគម្លាតតែ១ពិន្ទុប៉ុណ្ណោះពី Arsenal ដែលធ្វើឲ្យការប្រកួតដណ្តើមយកចំណាត់លេខបួនយកកៅអីក្របខ័ណ្ឌ Champions League កាន់តែតានតឹង។

https://s9.kh1.co/__image/w=650,h=366,q=100/ba/bac15114405fcad7081bfd4265d57900b15ca5f5.png

ជាការពិតណាស់ អ្វីដែលធ្វើឲ្យការប្រកួតនេះ មានភាពចម្រូងចម្រាស គឺកីឡាករនៃក្រុមទាំងពីរមានការប៉ះទង្គិចគ្នាច្រើននៅលើទីលាន រហូតបណ្ដាលឲ្យខ្សែការពារ Arsenal កីឡាករ Rob Holding ត្រូវបានបណ្ដេញចេញពីទីលានទៀតផង បន្ទាប់ពីបង្កកំហុសលើម្ចាស់អាវលេខ៧របស់ក្រុម ​Spurs កីឡាករ Son ទទួលបានកាតក្រហម។

https://s9.kh1.co/__image/w=650,h=434,q=100/4f/4ff9fcfe27dcd980c05ed0adb2f276a6f9fbda83.png

ជាមួយគ្នានេះ ក្រោយបញ្ចប់ការប្រកួតលោក Arteta បានឆ្លៀតនិយាយាដៀមដាមថា៖

ខ្ញុំមិនអាចធ្វើអ្វីផ្ដេសផ្ដាសទេ ព្រោះខ្ញុំចង់ឈរបញ្ជាកូនក្រុមក្នុងការប្រកួតនៅថ្ងៃច័ន្ទ(ទល់នឹង Newcastle) ។ អត់កុហកទេ បើខ្ញុំហ៊ានតែនិយាយរឿងហ្នឹង ខ្ញុំនឹងត្រូវព្យួរឈ្មោះ អ៊ីចឹងខ្ញុំមិនចង់ទេ។ 

លោក Arteta

មិនបង្អង់យូរក្រោយឮដូចនេះ លោក Conte បានតបទៅវិញ៖

Mikel Arteta កំពុងធ្វើការងារបានល្អ ប៉ុន្តែខ្ញុំបានឮគាត់ត្អូញត្អែរច្រើនណាស់។ខ្ញុំគិតថាគាត់ត្រូវតែផ្តោតលើក្រុមរបស់គាត់បន្ថែមទៀត ហើយឈប់ត្អូញត្អែរ។

លោក Conte
https://s9.kh1.co/__image/w=650,h=367,q=100/58/58d4112d6b9cbc217adb3b98d3893d8a1228b10d.png
Thy Pagnarith
P.R

អត្ថបទទាក់ទង