គ្រាប់ទី២ Kane តែតចាក់អន្ទង់ស្អាតណាស់! Kane និង Son ចាប់ដៃគ្នាស៊ុត ៣គ្រាប់ ជួយឱ្យ Spurs បំបាក់ Arsenal ៣-០(មានវីដេអូ)

បរទេស៖ ក្រុម Tottenham Hotspur ពេលនេះកំពុងមានពិន្ទុប្រកៀកប្រកិតជាមួយនឹង Arsenal ក្នុងការប្រកួតប្រជែងតំណែង top ៤ នៃក្របខណ្ឌ Premier League ក្រោយយប់ពួកគេបានទទួលជ័យជម្នះទៅលើក្រុមកាំភ្លើងធំនៅទឹកដីខ្លួនឯង។

ជាការពិតណាស់ នៅក្នុងជំនួបសប្តាហ៍ទី ៣៦ នៃក្របខណ្ឌ Premier League យប់មិញ Spurs បានទទួលជ័យជម្នះទៅលើ Arsenal ក្នុងលទ្ធផល ៣-០ នៅទឹកដី Tottenham Hotspur Stadium, ក្នុងនោះខ្សែប្រយុទ្ធ Harry Kane រកបាន ២ គ្រាប់ម្នាក់ឯងនៅនាទីទី ២២ និង ៣៧ និងមួយគ្រាប់ទៀតរកបានដោយ Son Heung-min នៅនាទីទី ៤៧។

ក្រោយទទួលបាន ៣ ពិន្ទុយ៉ាងសំខាន់ ពេលនេះ Spurs បន្តឈរនៅលេខរៀងទី ៥ ដដែលមាន ៦៥ ពិន្ទុ ដោយចាញ់ពិន្ទុក្រុមលេខ ៤ Arsenal ត្រឹមតែ ១ ពិន្ទុប៉ុណ្ណោះ៕

សូមទស្សនាវីដេអូខាងក្រោម៖