ម្នាក់ទៀតហើយ! អ្នកគ្រប់គ្រងរូបនេះ ឲ្យប្រាក់កូនចៅបន្ថែម ចេញពីហោប៉ៅផ្ទាល់ខ្លួន ដើម្បីជួយសម្រួលវិ.ប.ត្តិ.ជីវភាព

ចក្រភពអង់គ្លេស៖ បុរសម្នាក់ជានាយកគ្រប់គ្រង ក្រុមហ៊ុន Emerys Timber and Builders Merchants ដែលមានមូលដ្ឋានស្ថិតនៅចក្រភពអង់គ្លេស បានផ្ដល់ប្រាក់ចេញពីហោប៉ៅផ្ទាល់ខ្លួន ទៅកាន់បុគ្គលិក៦០នាក់ ដោយក្នុងម្នាក់ៗបានទទួលទឹកប្រាក់ចំនួន៧៥០ផោន (ប្រមាណ៩៨៤ដុល្លារអាមេរិក) ដើម្បីជួយសម្រួលវិ.ប.ត្តិ.ជីវភាពនាពេលបច្ចុប្បន្ន។

ជាក់ស្ដែង លោក James Hipkins អាយុ៥១ឆ្នាំ បានឲ្យដឹងថា គាត់ចង់ចែករំលែកត្រឡប់ទៅកាន់បុគ្គលិកវិញ ដោយសារតែខាងក្រុមហ៊ុនដំណើរបានយ៉ាងរលូន ខណៈបុគ្គលិកមួយចំនួនបានជួបប្រទះនឹងបញ្ហា ដូចជាការចាយវាយប្រចាំថ្ងៃ ឬថ្លៃវិក័យបត្រផ្សេងៗ។ ហើយដំបូងឡើយ មិនមានបុគ្គលិកណាម្នាក់រំពឹងថានឹងបានទទួលប្រាក់បន្ថែមទេ ដូច្នេះពួកគេពិតជាសប្បាយចិត្តខ្លាំងណាស់។

តួយ៉ាង គាត់បានលើកឡើងទៀតថា៖

យ៉ាងណាមិញ នាយកក្រុមហ៊ុនខាងលើ មិនមែនជាមនុស្សទីមួយឡើយដែលបន្ថែមប្រាក់ឲ្យបុគ្គលិក ដោយកាលពីចុងខែមីនាកន្លងទៅ មានអ្នកគ្រប់គ្រងក្រុមហ៊ុនសាងសង់ម្នាក់ បានផ្ដល់ប្រាក់ឲ្យបុគ្គលិក៥៨នាក់ និងក្នុងម្នាក់ទទួលបានទឹកប្រាក់ចំនួន៧៥០ផោន (ប្រមាណ៩៨៥ដុល្លារអាមេរិក) ដូចគ្នាដែរ៕

ប្រភព: Ladbible

សូមទស្សនារូបភាពខាងក្រោម៖