កម្លាំងចិត្ត ៖ សម្រាប់សង្គមការងារ ស្វែងរកមិត្តរួមការងារដែលយើងមានអារម្មណ៍ជិតស្និទ្ធ និងជឿជាក់ មិនមែនងាយនោះទេ ដូច្នេះពេលយើងមានអារម្មណ៍ថាស្និទ្ធនឹងអ្នកណាម្នាក់ យើងរំពឹងថាគេជាមិត្តដែលធ្វើការជាមួយយើងយូរ អាចធ្វើការជាមួយគ្នាបានល្អ វាត្រូវការពេលវេលា និងភាពស្មោះត្រង់សម្រាប់ពួកយើងក្នុងការពិភាក្សាក្នុងនាមជាអ្នកប្រឹក្សាដើម្បីបង្ហាញពីគំនិតរបស់យើងចំពោះគ្នាទៅវិញទៅមក មានន័យថាប្រសិនបើអ្នកត្រូវបង្កើតមិត្តភាពជាមួយមិត្តរួមការងារថ្មី វាក៏ត្រូវការពេលវេលាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប៉ុន្តែរាល់ការជួបគ្នាមានការចាកចេញ គ្មាននរណាម្នាក់អាចនៅជាមួយគ្នាជារៀងរហូតបានទេ ជាពិសេសមិត្តភក្តិនៅកន្លែងធ្វើការ នេះគឺជាការពិតនៃជីវិត ព្រោះវាអាចជាថ្ងៃមួយគេនឹងចាកចេញ សម្រាប់ហេតុផលអ្វីក៏ដោយ បើនរណាម្នាក់នឹងលាលែងពីតំណែង ដូច្នេះគេមានហេតុផលផ្ទាល់ខ្លួន ដែលយើងមិនអាចទៅដល់ចំណុចនោះ យើងក៏គ្មានសិទ្ធិហាមឃាត់ ឬជ្រៀតជ្រែកក្នុងការសម្រេចចិត្តរបស់អ្នកដទៃដែរ។
នៅពេលប្រឈមមុខនឹងរឿងបែបនេះ តើធ្វើដូចម្តេចដើម្បីដោះស្រាយជាមួយនឹងការផ្លាស់ប្តូរនេះ?
១. ភ្ជាប់ទំនាក់ទំនងជាមួយមិត្តថ្មី
មិត្តថ្មីនៅទីនេះ អាចជានរណាម្នាក់ ពួកគេប្រហែលជាមនុស្សដែលរួមការងារជាយូរមកហើយ ប៉ុន្តែកម្រនិយាយរកគ្នាណាស់ ឬនឹងក្លាយជាមនុស្សថ្មីដែលទើបតែមកធ្វើការក្នុងមុខតំណែងទំនេរ ដែលអាចមានទាំងចាស់ និងក្មេង ចាប់ផ្តើមបង្កើតមិត្តថ្មី វានិយាយអំពីការស្វែងរកយុថ្កាថ្មីសម្រាប់ចិត្តរបស់អ្នក ព្រោះមនុស្សមិនអាចរស់នៅក្នុងពិភពលោកតែម្នាក់ឯងបានទេ ហើយការនៅក្នុងសង្គមការងារដោយមិនណាត់អ្នកណាក៏មិនដូចគ្នាដែរ យ៉ាងហោចណាស់ក៏ត្រូវធ្វើការជាមួយគ្នាដែរ។
២. លើកទឹកចិត្តខ្លួនឯងត្រូវនៅឲ្យបាន
អ្នកគ្រាន់តែត្រូវយល់ ទទួលយកការពិត ហើយប្រាប់ខ្លួនឯងថាអ្នកត្រូវតែនៅឲ្យបាន ទោះបីជាអ្នកបាត់បង់មិត្តរួមការងារដែលអ្នកស្និទ្ធស្នាលជាមួយដោយសារតែគេលាឈប់ ជាការពិតណាស់ វានឹងធ្វើឲ្យប៉ះពាល់ដល់ចិត្តរបស់អ្នកបន្តិច ទំនាក់ទំនងកាន់តែច្រើន កាន់តែកើតអាណិតស្រលាញ់ អ្វីដែលកើតឡើងបន្ទាប់ពីនោះ អ្នកប្រហែលជាមានអារម្មណ៍ឯកា គ្មានជំនឿចិត្ត ដូចជាជីវិតរបស់អ្នកកំពុងបាត់បង់អ្វីមួយ ដូច្វនេះអ្នកគ្រាន់តែត្រូវលើកទឹកចិត្តខ្លួនឯងឲ្យបានច្រើន នោះមិនថាអ្នកណាលាលែងពីតំណែងនោះទេ អ្នកនៅតែត្រូវបន្តទៅមុខទៀតហើយត្រូវតែនៅឲ្យបាន ដរាបណាអ្នកមិនទាន់គិតចង់ផ្លាស់ប្តូរការងារ។
៣. ផ្តោតលើការងារច្រើនជាងពេលណាៗទាំងអស់
វិធីសាស្រ្តនេះគឺស្រដៀងទៅនឹងអ្នកដែលខូចចិត្ត និងធ្វើការ និយាយឲ្យសាមញ្ញទៅ ព្យាយាមរក្សាខ្លួនអ្នកឲ្យជាប់រវល់ នោះនឹងមិនមានពេលវេលាដើម្បីគិតអំពីការរំខាន គិតដល់មិត្តជិតស្និទ្ធដែលធ្លាប់ឆ្លងកាត់កិច្ចការលំបាកជាមួយគ្នា ជាពិសេសមិត្តរួមការងារដែលតែងតែជាដៃគូ នៅពេលនេះ អ្នកទទួលខុសត្រូវលើកិច្ចការនេះតែម្នាក់ឯង អ្នកនៅតែត្រូវរក្សាស្តង់ដារ និងធ្វើឲ្យវាល្អដូចមុន អ្នកគ្រាន់តែត្រូវបន្តធ្វើការងារនេះដោយគ្មានមិត្តជិតស្និទ្ធនោះ ប្រសិនបើអ្នកផ្តោតអារម្មណ៍ និងផ្តោតលើការងាររបស់អ្នកកាន់តែច្រើន អ្នកនឹងកែសម្រួលបន្តិចម្តងៗមួយរយៈ អ្នកនឹងរកវិធីធ្វើឲ្យខ្លួនអ្នកសប្បាយចិត្តម្តងទៀត។
៤. កុំគិតចង់លាឈប់តាម
ប្រសិនបើអ្នកដាក់លិខិតលាលែងពីតំណែងដោយហេតុផល មិត្តរួមការងារដែលអ្នកជិតស្និទ្ធនឹងលាលែង ដូច្នេះអ្នកមិនអាចរស់នៅដោយខ្លួនឯងបានទេ ត្រូវចាំថាអ្នកមិនចាំបាច់ពឹងផ្អែកលើនរណាម្នាក់សម្រាប់ជីវិតរបស់អ្នក ជីវិតនេះជារបស់អ្នក ហេតុអ្វីធ្វើតាមអ្នកដទៃ? អ្នកត្រូវតែយល់ពីគំនិត និងអាកប្បកិរិយានោះ រួមទាំងការអត់ធ្មត់របស់យើងគឺខុសគ្នា មូលហេតុដែលគេសរសេរលិខិតលាឈប់ វាប្រហែលជាមិនមែនជារឿងដែលអ្នកត្រូវខឹង ឬលាឈប់តាមនោះទេ អ្នកគ្រាន់តែត្រូវកែតម្រូវ ត្រូវតែរស់នៅដោយខ្លួនឯង អ្នកនៅតែមានរឿងដែលត្រូវទទួលខុសត្រូវ មិនអាចនិយាយថាអ្នកមិនអាចរស់បានដោយសារតែមិត្តភក្តិជិតស្និទ្ធរបស់អ្នកមិននៅទីនោះជាមួយគ្នានោះទេ។
៥. ឈប់នៅជាប់នឹងមនុស្សតែម្នាក់
នៅគ្រប់ដំណាក់កាលនៃជីវិតមនុស្ស យើងត្រូវជួបមនុស្សជាច្រើននាក់ ពួកគេនឹងបន្តចូលមកជាហូរហែ ដូច្នេះកុំនៅជាប់នឹងមនុស្សម្នាក់ពេក នៅចំណុចណាមួយ យើងទាំងអស់គ្នាត្រូវចែកផ្លូវគ្នា ដូចពេលកំពុងរៀន រៀនចប់អ្នកក៏បែកទៅគ្នាតាមផ្លូវរៀងខ្លួន អ្វីគ្រប់យ៉ាងនឹងផ្លាស់ប្តូរ មធ្យោបាយតែមួយគត់ដើម្បីដោះស្រាយគឺត្រូវកែតម្រូវឲ្យបានលឿន និងរក្សាអ្នកចាស់ដែលចាកចេញ ហើយអ្នកថ្មីចូលមក ត្រូវតែត្រៀមខ្លួនដើម្បីទទួលយកការផ្លាស់ប្តូរគ្រប់ពេលវេលា៕
ប្រភព ៖ Sanook
Bong I.T