ស្រណោះណាស់ សង្សារ Tangmo បានត្រឹមលេងភ្លេង ឲ្យរូបថតស្ដាប់

ថៃ៖ បើទោះបីជា តារាសម្តែងស្រី Tangmo បានទទួលម.រ.ណ.ភាព ទៅហើយក្តី ប៉ុន្តែនាង នៅតែស្ថិតក្នុងបេះដូងមនុស្សជាច្រើន ជាពិសេស សម្រាប់អ្នកដែលជិតស្និទ្ធដូចជា លោក Bird ដែលជាគូស្នេហ៍របស់នាង នៅតែមានភាពសោកសៅ ក្រោយពេលបាត់បង់មនុស្សជាទីស្រលាញ់។ 

កាលពីថ្មីៗនេះ លោក Bird ក៏បានបង្ហោះឃ្លីបមួយ ដែលខ្លួនបានលេងហ្គីតា ជាមួយនឹងមិត្តភក្តិ និងបានច្រៀងជាមួយគ្នា ។ ប៉ុន្តែអ្វីដែលសំខាន់នោះគឺ គូស្នេហ៍របស់ Tangmo រូបនេះ បាននាំយកស៊ុមរូបថតមួយសន្លឹក ដែលជារូបភាពនាង ដាក់នៅក្បែរនោះ ហាក់ដូចជាចង់បង្ហាញថា រូបនាងកំពុងអង្គុយស្តាប់តន្ត្រីជាមួយគ្នា ក្នុងពេល ដែល Bird កំពុងតែលេងហ្គីតា នៅក្បែរនោះ​ទៀតផង។ 

យ៉ាងណាមិញ នៅក្នុងនោះ ថ្វីត្បិតតែការបង្ហោះនេះ មិនសរសេរអ្វីច្រើន ដោយមានតែរូបEmoji បេះដូងពណ៌សក៏ដោយ ប៉ុន្តែ​ ​ពិតជាបានបញ្ជាក់យ៉ាងច្បាស់ថា លោក Bird នៅតែមាន​ក្តី​អាឡោះអាល័យ ​ចំពោះ​ Tangmo ជានិច្ច៕ 

ប្រភព៖ Kapook

សូមទស្សនារូបភាពខាងក្រោម៖