អឺរ៉ុប៖ ខ្សែប្រយុទ្ធ Pierre-Emerick Aubmeyang បានលើកឡើងថា វាជាកិត្តិយសមួយសម្រាប់គេប្រសិនបើខ្លួនអាចចាប់ដៃគូលេងជាមួយកីឡាករ Erling Haaland នៅ Barcelona។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Haaland ដែលបច្ចុប្បន្នមានវ័យ ២១ឆ្នាំ ជា ខ្សែប្រយុទ្ធដែលកំពុងតែលេចធ្លោជាងគេម្នាក់នៅលើលោក និង កំពុងមានអនាគតស្រពិចស្រពិលជាមួយ Borussia Dortmund បន្ទាប់ពីរូបគេតែងតែមានពាក្យចចាមអារ៉ាមចង់បានពីក្លិបធំៗដូចជា Barcelona, Manchester City និង Real Madrid ជាដើម ខណៈ តម្លៃខ្លួនផ្តាច់កុងត្រារបស់គេមានចំនួន ៧៥លានអឺរ៉ូ (ឬប្រមាណ ៨៥លានដុល្លារ)។
Aubameyang បាននិយាយថា៖
វាជាកិត្តិយសក្នុងការលេងជាមួយ Haaland ប្រសិនបើគាត់សម្រេចចិត្តផ្លាស់មក Barcelona។ ខ្ញុំមិនមែនជាគ្រូបង្វឹកនោះទេ ប៉ុន្តែ ខ្ញុំគិតថា Haaland ជា កីឡាករដ៏អស្ចារ្យ។ គាត់ស៊ុតបញ្ចូលទីបានច្រើនគ្រាប់ មានកាយសម្បទាល្អ និង ល្បឿនលឿន៕
Bong I.T