ធ្លាប់តែទុកសក់វែង! តែដល់ពេល ម៉េង កែវពេជ្ជតា ទុកសក់ខ្លីអញ្ចឹងទៅ ស្អាតមិនចាញ់តារាហុងកុងទេ

ភ្នំពេញ៖ កាលពីថ្មីៗនេះ តារាចម្រៀង ម៉េង កែវពេជ្ជតា បានបង្ហោះរូបភាពជាមួយនឹងស្ទីលសក់ខ្លី ក្នុងបណ្តាញសង្គមហ្វេសប៊ុក ដោយកន្លងមកអ្នកនាង​ធ្លាប់តែទុកសក់វែងប៉ុណ្ណោះ​ មើលទៅប្លែកម្យ៉ាងដែរ។

ដោយឡែក តារាចម្រៀងជើងចាស់រូបនេះ បានប្តូរស្ទីលមកទុកសក់ខ្លីត្រឹមកវិញ ដោយបន្ថែមសោភ័ណ្ឌភាពជាមួយនឹងការផាត់មុខតិចៗ ស្តើងៗបែបធម្មជាតិ ដែលលើកនេះមើលទៅមិនត្រឹមតែប្លែកនោះទេ គឺថែមធ្វើឱ្យអ្នកនាងកាន់តែក្មេងជាងវ័យបន្ថែមមួយទៀតផង និយាយរួមមកមើលមួយភ្លែតចង់ច្រឡំទៅនឹងក្មេងៗស្រករ២០ជាងផងដែរ។

យ៉ាងណាមិញ អ្នកគាំទ្រ ក៏បានសរសើរអំពីសម្រស់ និងការលេងខ្លួន តារាចម្រៀង ម៉េង កែវពេជ្ជតា ដែលមើលទៅស្អាត និងមានភាពទាក់ទាញទៀតផង៕

សូមចូលទស្សនារូបភាពខាងក្រោម៖