បរទេស៖ កិច្ចព្រមព្រៀងរបស់ Cesar Azpilicueta ក្នុងការផ្ទេរទៅកាន់ Barcelona ត្រូវបានធ្វើរួចរាល់ហើយ ហើយខ្សែការពារសញ្ជាតិ អេស្ប៉ាញ រូបនេះនឹងចាកចេញពី Chelsea បន្ទាប់ពីកុងត្រារបស់គាត់ផុតកំណត់នៅរដូវកាលក្រោយ, នេះបើតាមប្រភពធំៗមួយចំនួននៅក្នុងប្រទេស អេស្ប៉ាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កីឡាករវ័យ ៣២ រូបនេះឆ្នាំនឹងផុតកុងត្រាជាមួយ Chelsea នៅរដូវកាលក្រោយនេះហើយ, ក្នុងនោះគាត់មានបំណងចង់ត្រឡប់ទៅកាន់ប្រទេស អេស្ប៉ាញ ដែលជាទឹកដីកំណើតរបស់គាត់វិញ ដើម្បីបន្តអាជីពជាកីឡាករបាល់ទាត់បន្តទៀត។
ជាមួយគ្នានេះ យោងតាមការចុះផ្សាយរបស់កាសែត Elchiringuitotv បានឱ្យដឹងថា, ការផ្ទេររបស់ Azpilicueta ទៅកាន់ Barcelona នៅរដូវក្តៅខាងមុខគឺបានធ្វើរួចរាល់ហើយ, ក្នុងនោះក្លិបអ្នកមានបុណ្យនឹងផ្តល់កុងត្រាឱ្យរូបគេ ២ ឆ្នាំ អមជាមួយជម្រើសបន្ត ១ ឆ្នាំទៀត។
ស្របពេលជាមួយគ្នានេះអ្នកកាសែតល្បីឈ្មោះលោក Fabrizio Romano បានចុះផ្សាយដូចគ្នាផងដែរថា, Barca ព្រមផ្តល់ជូនកុងត្រាទៅឱ្យ Azpilicueta រយៈពេល ២ ឆ្នាំ អមជាមួយជម្រើសបន្តមួយឆ្នាំទៀត៕
ប្រភព៖ Si.com