សូមប្រយ័ត្ន រកឃើញអ្នកវិជ្ជមានកូវីដអូមីក្រុង ស្នាក់នៅផ្ទះជួល មួយកន្លែង នៅសង្កាត់ស្ទឹងមានជ័យទី១

រាជធានីភ្នំពេញ÷ យោងតាមប្រភពហ្វេសប៊ុករបស់សង្កាត់​ស្ទឹង​មានជ័យ​១​ បានប្រកាសថាកាលពី​នៅថ្ងៃទី២៣ ខែមករា ឆ្នាំ២០២២ រដ្ឋបាលសង្កាត់ស្ទឹងមានជ័យទី១ បានរកឃើញស្ត្រីម្នាក់ដោយលទ្ធផលបញ្ជាក់វិជ្ជមាន(+) អូមីក្រុង ដោយភ្លាមៗនោះក្រុមការងារសង្កាត់ ភូមិ បានចុះពិនិត្យមើលដល់ផ្ទះជួលរបស់អ្នកជំងឺផ្ទាល់។ 

យ៉ាងណាមិញ ដោយហេតុថាសភាពផ្ទះជួលមិនអំណោយផល មានបន្ទប់ជួលច្រើន ទើបស្នើសុំរថយន្តមន្ទីរសុខាភិបាលនៃរាជធានីភ្នំពេញ បញ្ជូនអ្នកជម្ងឺ(+) អូមីក្រុងទៅកាន់មណ្ឌលព្យាបាលស្របតាមបច្ចេកទេសវិជ្ជសាស្រ្ត។

អាស្រ័យដូចដែលបានជម្រាបជូនខាងលើនេះ សូមពុកម៉ែ បងប្អូន មេត្តាជ្រាបជាព័ត៌មាន និងបន្តអនុវត្តវិធាន៣ការពារ និង៣កុំ ដើម្បីបង្ការការចម្លងជំងឺកូវីដ១៩៕