ទឹកចិត្តប្រពៃណាស់! ចោម ខ្វាន់ ប្រគល់រថយន្តសារ៉ែន១ ថវិកា ៤លានរៀល ជូនដល់អាវុធហត្ថខណ្ឌជ្រោយចង្វារ!

ភ្នំពេញ៖ នៅផេកផ្លូវការរបស់ កងអាវុធហត្ថរាជធានីភ្នំពេញ បានធ្វើការបង្ហោះថា អ្នកនាង ចោម ខ្វាន់ និងស្វាមី បានឧបត្ថម្ភ រថយន្តសារ៉ែន១គ្រឿង និងថវិកាចំនួន ៤លានរៀលទៀតផង  ជូនដល់មូលដ្ឋានអាវុធហត្ថខណ្ឌជ្រោយចង្វារ ដើម្បីទុកប្រើប្រាស់ក្នុងអង្គភាព។

បើតាមប្រភពដដែលបានបន្តទៀតថា រថយន្តសារ៉ែននេះ ជាមធ្យោបាយយ៉ាងសំខាន់សម្រាប់ រួមចំណែកលើការងារចុះប្រតិបត្តិការពារសន្តិសុខសុវត្ថិភាពជូនដល់ថ្នាក់ដឹកនាំជាតិ និងអន្តរជាតិ ក៏ដូចជា ការបង្រ្កាបបទល្មើសផ្សេងៗ ជូនប្រជាពលរដ្ឋក្នុងមូលដ្ឋានរបស់ខ្លួន។

ក្នុងឱកាសនោះ លោកមេបញ្ជាការមូលដ្ឋាន អាវុធហត្ថខណ្ឌជ្រោយចង្វារ ជំនួសមុខឲ្យ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានប្រគល់លិខិតថ្លែងអំណរគុណ ជូនដល់ លោកស្រី ចោម ខ្វាន់ និងស្វាមី ផងដែរ ដែលមានទឹកចិត្តស្រលាញ់គាំទ្រអាវុធហត្ថ និងចូលរួមឧបត្ថម្ភ ដូច្នេះដែរ៕

ប្រភព​​៖ កងអាវុធហត្ថរាជធានីភ្នំពេញ