អីក៏ម៉្លេះៗ! ជើងខ្លាំង Chelsea ម្នាក់នេះទាមទារប្រាក់សរុបជាង៤៦លាន បើចង់ឲ្យគេចុះកុងត្រាថ្មី

អង់គ្លេស៖ ក្លិបតោខៀវ Chelsea កំពុងព្យាយាមបញ្ចុះបញ្ចូល ខ្សែការពារ Antonio Rudiger ឲ្យបន្តកុងត្រាថ្មី ប៉ុន្តែកីឡាករសញ្ជាតិអាល្លឺម៉ង់រូបនេះបានទាមទារកញ្ចប់ទឹកប្រាក់សរុបចំនួនលើសពី៤៦លានផោន(ស្មើនឹងប្រមាណ៦២.៤លានដុល្លារ) ដោយសរុបទាំងថ្លៃ​​ផ្សេងៗ បើសិនជាចង់ឲ្យគេស្នាក់នៅទឹកដី Stamford Bridge បន្ត។

Rudiger បានក្លាយជាកីឡាករម្នាក់ដែលលោក Thomas Tuchel ចូលចិត្តដាក់ឲ្យលេងក្នុងតំបន់ការពារដូច្នេះហើយទើបក្លិបមិនចង់បាត់បង់គេឡើយខណៈដែល Rudiger នឹងអស់កុងត្រានៅចុងបញ្ចប់រដូវកាលនេះហើយ។

Chelsea ព្យាយាមផ្ដល់ប្រាក់ឈ្នួលដល់គេចំនួន ១៣៥០០០ផោន(ស្មើនឹងប្រមាណ១៨៣,១៤៧ ដុល្លារ) ក្នុងមួយសប្តាហ៍ប៉ុន្តែគេចង់បានច្រើនជាងនេះ។

ខណៈពេលនោះដែរក្លិបជាច្រើនដូចជា Manchester United, Juventus, Paris Saint-Germain និង Bayern Munich សុទ្ធតែចាប់អារម្មណ៍ចង់បាន ខ្សែការពារ Antonio Rudiger ទាំងអស់៕

ប្រភព៖ marca