ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បរទេស៖ ខ្សែការពារស្លាបស្តាំ កីឡាករ Dani Alves បានធ្វើឲ្យពិភពបាល់ទាត់ភ្ញាក់ផ្អើលជាថ្មីបន្ទាប់ពីរូបគេបានសម្រេចចិត្តវិលត្រឡប់មកកាន់ក្លិប Barcelona វិញ។
ជាការពិតណាស់ នៅក្នុងទីផ្សារដោះដូរកីឡាករខែមករានេះ កីឡាករសញ្ជាតិប្រស៊ីលបានវិលត្រឡប់មកកាន់ Barcelona វិញក្រោយចែកផ្លូវគ្នាជាមួយក្លិបអស់រយៈពេល៦ឆ្នាំ ហើយ ការវិលត្រឡប់មកវិញនេះរូបគេតែងតែទទួលបានឱកាសបង្ហាញខ្លួនជាជម្រើសដំបូងទោះបច្ចុប្បន្នខ្លួនមានវ័យ៣៨ឆ្នាំក៏ដោយ។
ក្នុងកិច្ចសម្ភាសជាមួយ Catalunya Radio ដែលបានសួររូបគេថា តើរូបគេនឹងចុះហត្ថលេខានាំយកកីឡាករវ័យ៣៨ឆ្នាំមករួមក្រុមដែរឫអត់?
Alves ក៏បាននិយាយថា៖
ខ្ញុំប្រហែលជាស្ទាក់ស្ទើរលុះត្រាតែឈ្មោះរបស់ពួកគេគឺ Dani Alves, Cristiano Ronaldo, Lionel Messi ឬ Zlatan Ibrahimovic។ ពួកគេជាប្រភេទកីឡាករដែលមិនចង់ឲ្យអ្នកដទៃមកប្រាប់ពីពេលវេលាដែលគេត្រូវចូលនិវត្តន៍៕
ប្រភព៖ marca
