អង់គ្លេស៖ ខ្សែបម្រើក្លិប Manchester United កីឡាករ Fred បានសារភាពថា រូបគេចង់ផ្លាស់ទៅលេងជាមួយក្លិបបាល់ទាត់នាប្រទេសប្រេស៊ីលនៅពេលដែលគេចាកចេញពីក្របខណ្ឌ Premier League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កីឡាករដែលមានវ័យ២៨ឆ្នាំខាងលើ បានចំណាយពេលចំនួនប្រាំជាមួយ Shakhtar Donetsk មុនផ្លាស់មកកាន់ Man Utd កាលពីឆ្នាំ២០១៨ ជាមួយនឹងតម្លៃខ្លួន៥២លានផោន (ឬប្រមាណ៧១លានដុល្លារ) ហើយ រូបគេក៏បានចុះកិច្ចសន្យារយៈពេល៥ឆ្នាំផងដែរ និង លក្ខខណ្ឌបន្ថែមមួយឆ្នាំពីលើទៀត។ ដូច្នេះសម្រាប់កុងត្រាបច្ចុប្បន្ននេះនឹងអស់សុពលភាពនៅបញ្ចប់រដូវកាលក្រោយហើយ។
Fred បាននិយាយថា៖
ប្រហែលជាថ្ងៃអនាគត ខ្ញុំមិនទាន់ដឹងនៅឡើយទេ។ ខ្ញុំចាកចេញពីប្រទេសប្រេស៊ីលលឿនពេក។ ខ្ញុំនៅតែចង់លេងនៅទីនោះ។ ជាក់ស្តែងខ្ញុំមិនធ្លាប់បានលេងក្នុងពានរង្វាន់ Conmebol Libertadores។ ខ្ញុំបានលេងក្នុងពានរង្វាន់ Copa do Brasil ១-២ប្រកួត និង ក្នុងលីគបានប៉ុន្មានប្រកួត ក៏ចាកចេញពីប្រទេសប្រេស៊ីល៕
ប្រភព៖ sportskeeda
Bong I.T