សែម​ រតនា​​​​​ ទទួលបានប្រជាប្រិយភាពកាន់តែខ្លាំង តាមរយៈការបង្ហោះវីដេអូអប់រំល្អៗ​នៅក្នុងបណ្តាញសង្គម​!

ភ្នំពេញ៖ ពិតណាស់ លោកវេជ្ជបណ្ឌិត​ សែម រតនា គឺជាវេជ្ជបណ្ឌិតម្នាក់ដែលតែងតែចែករំលែករាល់វីដេអូអប់រំល្អៗនិងចំណេះដឹងថ្មីៗ នៅលើបណ្តាញសង្គមហ្វេសប៊ុក តាមរយៈហ្វេសប៊ុកផេកផ្ទាល់ខ្លួនរបស់លោកឈ្មោះ  Doctor Sem Ratana។ មិនត្រឹមតែប៉ុណ្ណោះទេ លោកក៏ជាមនុស្សម្នាក់ដែលចូលចិត្តជួយដល់សង្គមជាតិ តាមរយៈការចុះធ្វើការងារស្ម័គ្រចិត្តជាច្រើនផងដែរ។

ដោយឡែកលោក វេជ្ជបណ្ឌិត​ សែម រតនា មិនត្រឹមតែជាមនុស្សដែលចូលចិត្តចែករំលែកនូវអ្វីដែលល្អៗនោះទេ លោកក៏ជាមនុស្សដែលមានទេពកោសល្យ និងសមត្ថភាពខាងផ្នែកសិល្បៈពីកំណើតម្នាក់ លោកអាចផលិតបទចម្រៀង និងអាចច្រៀងដោយខ្លួនឯងបានយ៉ាងពិរោះថែមទៀតផង។ 

ទន្ទឹមនឹងនេះដែរ នៅចាំបានថាកាលពីឆ្នាំ២០២១កន្លងថ្មីៗទៅនេះ លោកវេជ្ជបណ្ឌិត​ សែម រតនា បានចេញបទចម្រៀងផ្ទាល់ខ្លួនមួយបទដែលមានចំណងជើងថា “កំដរ” ក្រោយបទចម្រៀងមួយបទនេះចេញជាផ្លូវការមិនបានប៉ុន្មានផង ស្រាប់តែផ្ទុះការគាំទ្រយ៉ាងខ្លាំងពីសំណាក់ទស្សនិកជន ហើយក៏មានអ្នកចូលទស្សនារាប់សែននាក់ឯណ្ណោះ៕