អង់គ្លេស៖ អតីតកីឡាករជម្រើសជាតិអង់គ្លេស លោក Paul Parker បានលើកឡើងថា កីឡាករមួយចំនួននៅក្នុងក្រុម Manchester United មិនចូលចិត្ត Bruno Fernandes ឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ថ្មីៗនេះ Bruno ទើបតែបានរួមចំណែកស៊ុតបញ្ចូលទីពីរគ្រាប់ឲ្យ Man Utd ក្នុងជំនួបទល់នឹង Aston Villa ប៉ុន្តែ គួរឲ្យសោកស្តាយដែលក្រុមបិសាចក្រហម ត្រូវបានក្រុមរបស់លោក Steven Gerrard វាយបកបានពីរគ្រាប់វិញធ្វើឲ្យកម្តៅរបស់ក្រុម Man Utd កាន់តែក្តៅឡើង និង មានសម្ពាធ ខណៈលោក Parker បានទម្លាយឲ្យដឹងថា កីឡាករនៅក្នុងក្រុមមិនពេញចិត្តជាមួយនឹងចរិតលក្ខណៈរបស់កីឡាករសញ្ជាតិព័រទុយហ្កាល់ខាងលើឡើយ។
លោក Parker បាននិយាយថា៖
Bruno គឺជាក្តីបារម្ភសម្រាប់ខ្ញុំ។ គ្រាន់តែមើលគាត់ និង របៀបដែលគាត់ក្បត់ខ្លួនឯងនៅលើទីលាន ខ្ញុំប្រាកដថាមានកីឡាករក្នុងក្រុមដែលមិនចូលចិត្តគាត់។ គាត់យកចិត្តទុកដាក់ខ្លាំងពេកចំពោះអ្វីៗទាំងអស់។ គាត់ឈូសជើងគូប្រកួត និង ប្រាប់ពួកគេឲ្យងើបឡើង។ គាត់ត្រូវបានគេឈូសជើងវិញ និង បានដួលខ្លួនពេញហ្នឹងដើម្បីបង្ហាញឲ្យគេដឹងថាគាត់ឈឺ៕
ប្រភព៖ metro
Bong I.T