GOT7 សឹងតែបំបែកក្រុមហើយ ទើបមកល្បីបទនេះនៅលើ TikTok

កម្សាន្ត ៖ ​ ក្រុម GOT7 ដែលនឹងខួបគម្រប់ ៨ ឆ្នាំ គឺនៅថ្ងៃទី ១៦ ខែមករា ខាងមុខនេះ កំពុងតែពេញនិយមនៅក្នុងកម្មវិធី TikTok ដោយទទួលបានការចាប់អារម្មណ៍ខ្លាំងដោយសារតែក្បាច់រាំដ៏ល្បី របស់ពួកគេក្នុងបទ «Stop Stop it» ដែលចេញផ្សាយកាលពីឆ្នាំ ២០១៤។

ថ្វីត្បិតតែមានអ្នកគាំទ្រជាច្រើន បានស្គាល់បទចម្រៀងនេះក៏ដោយ ក៏មានមនុស្សមួយចំនួនធំដែលមិនស្គាល់ពីបទ Remix នេះ ដែលផលិតឡើងដោយ Bambam សមាជិកក្រុម GOT7 ហើយថ្មីៗ​នេះ Bambam ក៏បាន​និយាយ​អំពី​ឈុត «Stop Stop It» ទើបកាន់តែធ្វើឲ្យមានការចាប់អារម្មណ៍ខ្លាំងនៅលើ TikTok ដែលពួកគេមួយចំនួន បានចូលរួម challenge ដោយរាំក្បាច់រាំ និងរីករាយជាមួយបទចម្រៀងដ៏ទាក់ទាញនេះ របស់ពួកគេ។

គួររំលឹកផងដែរថា កិច្ចសន្យារបស់ GOT7 ជាមួយ JYP បានបញ្ចប់ ហើយពួកគេបានសម្រេចចិត្តមិនបន្ត តែពួកគេមិនបានបំបែកក្រុមទេ ពួកគេនៅតែជាក្រុម និងថែមទាំងបានចេញបទចម្រៀង «ENCORE» ថែមទៀត បន្ទាប់ពីចាកចេញពី JYP​​៕

ប្រភព : Allkpop