អង់គ្លេស៖ អតីតកីឡាកររបស់ Liverpool លោក Jamie Carragher បានធ្វើការរិះគន់ខ្លាំងៗទៅលើកីឡាករ Manchester United ពីររូប គឺ Mason Greenwood និង Marcus Rashford ដែលមិនប្រឹងប្រែងឲ្យអស់ពីសមត្ថភាពនៅលើទីលានប្រកួត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ មិនមែនតែលោក Carragher នោះទេដែលមិនពេញចិត្តចំពោះទម្រង់លេងរបស់ Greenwood និង Rashford ពោល កីឡាករទាំងពីរខាងលើមួយរយៈចុងក្រោយនេះ តែងតែទទួលបាននូវពាក្យរិះគន់ពីសំណាក់អ្នកគាំទ្រអំពីការរួមចំណែករបស់គេមកកាន់ក្រុមបិសាចក្រហម។
លោក Carragher បាននិយាយថា៖
Greenwood និង Marcus Rashford ប្រឹងប្រែងនៅលើទីលានមិនទាន់គ្រប់គ្រាន់នោះទេ។ ពួកគេជាកីឡាករវ័យក្មេងដែលគួរតែលះបង់អ្វីៗគ្រប់បែបយ៉ាងនៅលើទីលាន រស់រវើកជាមួយនឹងបាល់ និង ព្យាយាមប្រជែងយកបាល់។ បើប្រៀបធៀបអត្រាការងាររបស់ពួកគេជាមួយ Sadio Mané, Mohamed Salah, Bernardo Silva, Phil Foden ឬ Mason Mount វាពិតជាអាម៉ាស់ណាស់។ ពួកគេត្រូវតែមើលខ្លួនឯង៕
ប្រភព៖ sportskeeda
Bong I.T