ដូចត្រូវប៉ាន់ណាស់! Real, PSG, Bayern និង Juventus បានចោមរោមចរចាយក កីឡាករជិតផុតកុងត្រារបស់ Chelsea រូបនេះ

បរទេស៖ យោងតាមសេចក្ដីរាយការណ៍បានឲ្យដឹងថា ក្លិបធំៗដូចជា Real Madrid, Bayern Munich, Juventus និង Paris Saint-Germain សុទ្ធតែបានធ្វើការទាក់ទងចរចាជាមួយភ្នាក់ងាររបស់ខ្សែការពារក្រុមតោខៀវ Chelsea កីឡាករ Antonio Rudiger។

ខ្សែការពារសញ្ជាតិអាល្លឺម៉ង់ខាលើ មិនទាន់ឈានដល់កិច្ចព្រមព្រៀងណាមួយ ជុំវិញការបន្តកុងត្រាថ្មីជាមួយ Chelsea នៅឡើយទេ ហើយបើបន្តនៅបែបនេះ រូបគេ នឹងត្រូវចាកចេញពី ទឹកដី Stamford Bridge ដោយពុំមានតម្លៃខ្លួន នៅដំណាច់រដូវកាលនេះ។

ខណៈបច្ចុប្បន្ន Rudiger ក៏មានសិទ្ធអាចធ្វើការចរចាកុងត្រាទុកមុន ជាមួយក្លិបក្រៅពី Premier League ផងដែរ។ ជាមួយគ្នានេះ បើយោងតាមការចុះផ្សាយរបស់កាសែត Sky Sports ក្លិប Real, Bayern, PSG និង Juventus សុទ្ធតែបានបើកកិច្ចចរចាជាមួយ តំណាង ខ្សែការពាររូបនេះ រួចរាល់ហើយ។

បន្ថែមពីនេះ បើតាមប្រភពដដែល ក្លិបបិសាចក្រហម Manchester United ក៏កំពុងសម្លឹងមិនដាក់ភ្នែកទៅលើ Rudiger ផងដែរ។ គួររម្លឹកដែរថា នារដូវកាលនេះ Rudiger តែងស្ថិតក្នុងជម្រើសដំបូង ក្នុងក្រុមលោក Thomas Tuchel ជាក់ស្ដែង គេបង្ហាញខ្លួនបាន២០ប្រកួតមកហើយនៅ Premier League ក្នុងនោះគេរកបាន២គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន២គ្រាប់៕

ប្រភព៖ sportsmole