ទំនងដែរ! អតីតកីឡាករប្រេស៊ីលម្នាក់ ជឿថា Alves នឹងទទួលបានឳកាសធំមួយនេះ ក្រោយពីចូលរួម Barca

បរទេស៖ ខ្សែការពារស្លាបស្ដាំសញ្ជាតិប្រេស៊ីល លោក Cafu បានបង្ហើបថា លោកជឿជាក់ថា កីឡាករ Dani Alves នឹងមានឳកាសជាប់ឈ្មោះក្នុងជម្រើសជាតិប្រេស៊ីល ទៅលេង World Cup 2022 ជុំផ្ដាច់ព្រ័ត្រនៅឯប្រទេសកាតា បន្ទាប់ពីខ្សែការពារចាស់វស្សារូបនេះ បានវិលមកកាន់ក្លិប ​Barcelona  ជាលើកទីពីរ។

លោក Cafu បាននិយាយអំពី Alves ប្រាប់ទៅសារព័ត៌មាន Mundo Deportivo ថា៖

ជាការពិតណាស់ Alves វ័យ៣៨ឆ្នាំ ត្រូវបានគេចាត់ទុកជាខ្សែការពារឆ្នើមមួយរូប ដែលធ្លាប់បានប្រកបអាជីបក្នុងក្លិបកំពូលៗជាច្រើន ក្នុងនោះរួមមាន Barcelona, Juventus និង PSG ជាដើម។

មិនតែប៉ុណ្ណោះ Alves ជាកីឡាករបាល់ទាត់តែម្នាក់គត់ ដែលបានឈ្នះពានរង្វាន់ច្រើនជាងគេបំផុត នៅលើពិភពលោក ហើយគាត់ក៏ធ្លាប់ឈ្នះ World Cup ជាមួយជម្រើសជាតិប្រេស៊ីលចំនួន ២លើករួចមកហើយផងដែរ គឺក្នុងឆ្នាំ ១៩៩៤ និង ២០០២ ៕

ប្រភព៖ football-espana