អង់គ្លេស៖ ខ្សែប្រយុទ្ធ Timo Werner បានបង្ហើបឲ្យដឹងថាគេមិនធ្លាប់ជួបជាមួយស្ថានភាពលំបាកលំបិនក្នុងការជាសះស្បើយពីរបួសដូចពេលផ្លាស់មក Chelsea នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិអាល្លឺម៉ង់រូបនេះទើបតែជាសះស្បើយពីរបួស ក្រោយរងរបួសក្នុងជំនួបរវាង Chelsea និង Malmo កាលពីថ្ងៃទី២១ខែតុលាកន្លងទៅ ដោយខកខានមិនបានចូលលេងជាង៥ប្រកួតឯណោះ។
Werner បានស៊ុតបញ្ចូលទី២គ្រាប់ក្នុងការប្រកួតទល់នឹង Zenit ក្នុងវគ្គចែកពូលព្រឹត្តិការណ៍ Champions League ដែលធ្វើឡើងកាលពីថ្ងៃទី៩ខែធ្នូកន្លងទៅហើយក្រោយចប់ការប្រកួត រូបគេបានបង្ហើបឲ្យដឹងពីទុក្ខលំបាក៖
បន្ទាប់ពីខ្ញុំរងរបួស វាពិតជាពិបាកណាស់ក្នុងការវិលត្រឡប់មកទីលានវិញបន្ទាប់ពីមិនបានចូលលេងជាង១ខែ។ ខ្ញុំមិនធ្លាប់ជួបភាពវេទនាបែបនេះពីមុនមកទេ។ វាសំខាន់ណាស់ដែលអាចត្រឡប់មកមានកាយសម្បទាល្អឡើងវិញ ហើយការស៊ុតបញ្ចូលទី២គ្រាប់បានជួយខ្ញុំឲ្យលេងដូចកម្រិតដែលខ្ញុំលេងកាលខ្ញុំមិនទាន់របួស។
ប្រភព៖ thesun
Bong I.T