លោក Cassano រិះ.គន់ចំៗថាលោកមិនចូលចិត្តខ្សែប្រយុទ្ធរូបនេះព្រោះគេមិនចង់ឲ្យ Messi ល្អជាងខ្លួន - Khmerload

លោក Cassano រិះ.គន់ចំៗថាលោកមិនចូលចិត្តខ្សែប្រយុទ្ធរូបនេះព្រោះគេមិនចង់ឲ្យ Messi ល្អជាងខ្លួន

https://s9.kh1.co/98/9892e39f6fc15b8256fbd9023dd6ba1020e8794a.jpeg
កីទ្បា
 06-Dec-2021 8am · a month ago

លោក Cassano ថាលោកមិនចូលចិត្តកីឡាកររូបនេះទេ

អឺរ៉ុប៖ លោក Antonio Cassano បាននិយាយថា Lionel Messi គឺពិតជាកីឡាករល្អជាង Cristiano Ronaldo ហើយ Ronaldo មិនសប្បាយចិត្តទេដែលខ្លួនគេនិយាយថា Messi ល្អជាង។

https://s9.kh1.co/__image/w=650,h=365,q=100/60/607008228e8fe1e23daf4ce3d3fedb9ea6c0b0bf.jpg
ខ្សែប្រយុទ្ធ Cristiano Ronaldo
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Messi បានឈ្នះពានបាល់មាស Ballon d'Or លើកទៅ ៧ក្នុងអាជីព ខណៈដែល Ronaldo ពុំបានចូលរួមពិធីប្រគល់ពាននេះទេហើយអ្វីដែលកាន់តែភ្ញាក់ផ្អើលគឺ កីឡាករសញ្ជាតិព័រទុយកាល់រូបនេះបានយកគណនី Instagram ផ្លូវការរបស់ខ្លួនទៅ បញ្ចេញមតិក្នុងការបង្ហោះមួយដែលរិះគន់ Messi ថាមិនសមឈ្នះ Ballon d'Or ទៀត ដែលធ្វើឲ្យមានបញ្ហាចម្រូងចម្រាសថា Ronaldo មិនពេញចិត្តដែល Messi ឈ្នះ។

https://s9.kh1.co/__image/w=650,h=366,q=100/4a/4a5335e02d2387754337324b2bf5052c984de939.jpg
ខ្សែប្រយុទ្ធ Cristiano Ronaldo
https://s9.kh1.co/__image/w=650,h=366,q=100/fb/fb60e70ba99bb3f49da0348585c4a00ea2b575db.jpg
ខ្សែប្រយុទ្ធ Lionel Messi 
https://s9.kh1.co/__image/w=650,h=411,q=100/70/70aa039fb7177bfb4fc5cc08d4d612d44838b190.jpg
ការបញ្ចេញមតិរបស់ Ronaldo

លោក Cassano បានថ្លែងថា Babo TV ថា៖

នៅ ថ្ងៃមួយខ្ញុំបានទទួលសារមួយពីលេខនៅអេស្ប៉ាញ។ ជាសារដ៏វែងចំនួន៤ខ្សែ យើងនឹងរង់ចាំមើលថា Cristiano ចេញមុខទទួលឬអត់ថានោះជាសាររបស់គេផ្ញើមកខ្ញុំព្រោះខ្ញុំបានបញ្ជូនវាបន្តឲ្យ Gigi Buffon ដែលបានប្រាប់ខ្ញុំថាគេបានឲ្យលេខខ្ញុំទៅ Ronaldo ។ គេបានផ្ញើសារប្រាប់ខ្ញុំថាខ្ញុំត្រូវតែគោរពគេ ខ្ញុំត្រូវតែគោរពគ្រាប់បាល់ដែលគេបានស៊ុត ពានដែលគេបានឈ្នះ។ ខ្ញុំមិនខ្លាចនរណាទេ ហើយខ្ញុំបានតបទៅ គេវិញដោយសរសេរថា មាន Ronaldo តែមួយគត់លើលោកហើយ Messi គឺល្អជាងគេ។ គេបាននិយាយថាគេមានលុយ គេបានស៊ុតបញ្ចូលទីច្រើនជាងខ្ញុំដែលខ្ញុំរកបានតែ១៥០គ្រាប់។ Cristiano មានគ្រប់យ៉ាងក្នុងជីវិត គេគួរតែរៀននៅ ស្ងៀមនិងធ្វើចិត្តឲ្យស្ងប់ខ្លះពេលមនុស្សម្នានិយាយពីគេ។ គេគួរតែធ្វើខ្លួនឲ្យដូច Messi។ នេះជាការពិត ខ្ញុំបានតេប្រាប់ Buffon និងនិយាយជាមួយគេដែរ ខ្ញុំក៏បានប្រាប់ Giorgio Chiellini ដែរ។ខ្ញុំមិនដែលមិនគោរពគេទេ ខ្ញុំគ្រាន់តែមិនចូលចិត្តគេ។ មានកីឡាករជាង៥០នាក់ដែលខ្ញុំចូលចិត្តជាងគេ តើវាយ៉ាងម៉េច?

លោក Antonio Cassano
https://s9.kh1.co/__image/w=650,h=405,q=100/da/daae6fceda801403d30d918e113e86fcc44f046e.jpg
លោក Antonio Cassano

ប្រភពsportskeeda

Sok Navin
N.V

អត្ថបទទាក់ទង