អីយ៉ាស់! Lewandowski បានប្រាប់អ្នកតំណាងរបស់គាត់ ថាចង់ផ្លាស់ទៅ ក្លិបយក្សអេស្ប៉ាញមួយនេះ

អឺរ៉ុប៖ ខ្សែប្រយុទ្ធ Robert Lewandowski ត្រូវបានគេរាយការណ៍ថា បានប្រាប់ទៅ អ្នកតំណាងរបស់គាត់ ឲ្យរៀបចំការផ្ទេរគាត់ទៅ កាន់ក្លិប Real Madrid នៅ រដូវកាលក្រោយ។

យោងតាមសារព័ត៌មាន AS បានឲ្យដឹងថា ខ្សែប្រយុទ្ធរបស់ក្រុម Bayern Munich រូបនេះ បានប្រាប់ទៅ កាន់អ្នកតំណាងរបស់គាត់ គឺលោក Pini Zahavi ថាការផ្លាស់ទៅកាន់ក្លិបយក្សរបស់អេស្ប៉ាញ គួរតែត្រូវចាត់ទុកជាអាទិភាព ជាងក្លិបផ្សេងៗ។

ប៉ុន្ដែរបាយការណ៍បន្ថែមថា បំណងរបស់ Lewandowski ក្នុងការផ្លាស់ទៅ  Real Madrid គឺអាស្រ័យលើ Erling Haaland ។ ព្រោះខ្សែប្រយុទ្ធក្រុម Dortmund រូបនេះ ត្រូវបានគេរំពឹងថាជាកីឡាករមានអាទិភាពជាង ក្នុងផ្លាស់ទៅ ទឹកដី Santiago Bernabéu នៅរដូវកាលក្រោយ។

ទោះជាយ៉ាងណាក៏ដោយ Lewandowski អាចនៅមានសង្ឃឹម ខណៈដែលភ្នាក់ងាររបស់គាត់ លោក​ Zahavi ក៏ជាអ្នកតំណាងរបស់ David Alaba ផងដែរ ដែលបានជួយឲ្យរូបគេចាកចេញពី Bayern Munich ទៅ កាន់ Real Madrid កាលពីរដូវក្ដៅកន្លងទៅ៕

ប្រភព៖ dailymail