អឺរ៉ុប៖ ក្លិបសេះបង្គង់ Juventus ត្រូវបានគេរាយការណ៍ថា បានពិចារណាលក់កីឡាករសញ្ជាតិអ៊ីតាលី Federico Chiesa ក្នុងតម្លៃ ៥១លានផោន (ឬប្រមាណ ៦៧លានដុល្លារ) សម្រាប់ទីផ្សារដោះដូរកីឡាករនាពេលឆាប់ៗខាងមុខនេះ ខណៈមានការចាប់អារម្មណ៍ពីក្លិប Chelsea។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមពិតទៅ Chiesa ជាកីឡាករដែលក្លិប Juventus ខ្ចីជើងរយៈពេល២ឆ្នាំ ចាប់តាំងពីរដូវកាលមុន ពីក្លិប Fiorentina ហើយរដូវកាល២០២១/២០២២នេះ ជារដូវកាលចុងក្រោយរបស់គេ។ ដូច្នេះមានន័យថា ក្លិបសេះបង្គង់ត្រូវបំពេញកាតព្វកិច្ចរបស់ពួកគេ ដោយត្រូវទិញយក Chiesa ដាច់ នាចុងបញ្ចប់រដូវកាលនេះតែម្ដង ក្នុងតម្លៃ៥១លានផោន។
យ៉ាងណាមិញ យោងតាមសារព័ត៌មាន Calciomercato បានឲ្យដឹងថា បន្ទាប់ពីទិញយកកីឡាករវ័យ២៤ឆ្នាំរូបនេះដាច់ ពួកគេក៏គ្រោងនឹងលក់ចេញវិញក្នុងតម្លៃដដែល។ ប្រភពដដែលបញ្ជាក់ថា Juventus ចង់យកប្រាក់ដែលទទួលបានពីការលក់នោះ ដើម្បីពង្រឹងតំបន់ផ្សេងៗក្នុងក្រុម ដូចជាដើម្បីទិញកីឡាករថ្មីៗចូលជាដើម៕
ប្រភព៖ sportsmole