បរទេស៖ អ្នកប្រមូលសន្សំឧបករណ៍របស់ Apple លោក Giulio Zompetti បានចែករំលែករូបភាពគំរូថ្មីនៃឧបករណ៍ Apple នៅលើបណ្ដាញសង្គម Twitter។ គួរឲ្យកត់សម្គាល់បំផុតនោះ លោក Zompetti បានចែករំលែករូបភាពនៃ AirPods គំរូដែលមានលក្ខណៈពិសេសនៃការរចនាភ្លឺថ្លាគួរឲ្យចាប់អារម្មណ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគេមិនច្បាស់ទេ ថាតើ Apple ពិតជាមានគម្រោងបញ្ចេញ AirPods ថ្លាដែរឬអត់ ប៉ុន្តែវាមិនទំនងនោះទេ។ ការរចនាបែបថ្លាច្បាស់នេះបង្ហាញពីចំណុចពិសេសជាច្រើនខាងក្នុងរបស់ AirPods។ ការធ្វើឲ្យថ្លាមើលធ្លុះនេះគឺជារឿងធម្មតា កំឡុងពេលបង្កើតគំរូផលិតផល ដើម្បីអនុញ្ញាតឲ្យក្រុមវិស្វករពិនិត្យមើលការរចនាកាន់តែដិតដល់។
សព្វថ្ងៃនេះ AirPods និង AirPods Pro មានតែជម្រើសពណ៌សប៉ុណ្ណោះ។ ប៉ុន្តែកាសស្ដាប់ត្រចៀកម៉ាក Beats ដែលគ្រប់គ្រងដោយ Apple ដូចជា Beats Fit Pro មានពណ៌ជាច្រើន។ បន្ថែមពីលើ AirPods ថ្លានេះ លោក Zompetti ក៏បានចែករំលែករូបភាពនៃគំរូឆ្នាំងសាក 29W របស់ Apple ផងដែរ៕
ប្រភព: 9to5Mac