ភ្នំពេញ៖ កំពូលតារាចម្រៀងជើងចាស់ដ៏មានប្រជាប្រិយភាពលោក ព្រាប សុវត្ថិ ត្រូបានគេស្គាល់យ៉ាងច្បាស់ថាជាសិល្បករមួយរូប មានមុខជំនួញច្រើនកន្លែង ជាពិសេសរូបលោកផ្ទាល់ក៏មានតួនាទីធំក្នុងជួររាជការទៀតផង។ ពិតណាស់ បើទោះបីរវល់ជាមួយការងារសិល្បៈស្ទើរគ្មានពេលទំនេរក៏ពិតមែន តែគេក៏ឃើញតារារូបនេះ នៅឆ្លៀតបង្កើតមុខរបរបន្ថែមថ្មីៗជាបន្តបន្ទាប់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើនិយាយពីជីវភាពរបស់លោក ព្រាប សុវត្ថិ គេមើលឃើញថាតារារូបនេះ មានជីវិតល្អប្រសើរ ខណៈការងារសិល្បៈ មុខជំនួញ និងការងារក្នុងជួររាជការជោគជ័យទន្ទឹមគ្នាទាំងព្រមយ៉ាងដូច្នេះ។ លើសពីនេះទៅទៀត នៅពីក្រោយភាពជោគជ័យរបស់កំពូលតារារូបនេះ ក៏មានភរិយាលោកចាំជួយជ្រុមជ្រែង ទទួលមើលការខុសត្រូវលើមុខជំនួញ និងការងារផ្សេងៗទៀត។
ជាក់ស្ដែង ប្រិយមិត្តធ្លាប់តែដឹងពីមុខរបរ ដីចម្ការរបស់លោក ព្រាប សុវត្ថិ តែថ្មីៗនេះ តារារូបនេះបានបើកបង្ហាញការងារថ្មី ដែលគ្រប់គ្នាមិនដែលដឹង ដោយលោកមានដីស្រែព្រមទាំងបានដាំស្រូវរហូតទទួលបានផល និងដល់ថ្ងៃច្រូតកាត់ទៀតផង។ ក្នុងនោះដែរ បើមើលតាមរូបភាពនៃទំហំដីដែលតារាចម្រៀងរូបនេះបង្ហាញ ឃើញមានទំហំធំស្ទើរដាច់កន្ទុយភ្នែក ហើយដំណាំស្រូវក៏ល្អថែមទៀតផង៕
សូមទស្សនារូបភាពខាងក្រោម៖