អ្នកណាគេ? អបអរសាទរកីឡាករម្នាក់នេះឈ្នះពានអ្នកចាំទីល្អជាងគេប្រចាំឆ្នាំរបស់ Yashin

អឺរ៉ុប៖ អ្នកចាំទីក្រុមជម្រើសជាតិអ៊ីតាលី និង Paris Saint Germain កីឡាករ Gianluigi Donnarumma បានឈ្នះពានរង្វាន់អ្នកចាំទីល្អជាងគេប្រចាំឆ្នាំ២០២១ក្នុងកម្មវិធី Ballon d'Or កាលពីយប់មិញ។

ជាការពិតណាស់ កាលពីរដូវកាលមុន Donnarumma បានរួមចំណែកយ៉ាងធំធេងក្នុងការជួយក្រុមជម្រើសជាតិអ៊ីតាឡីឈ្នះពានរង្វាន់ EURO ២០២០ ដោយរូបគេបានសង្គ្រោះបាល់ប៉េណាល់ទីបាន២គ្រាប់ក្នុងការប្រកួតវគ្គផ្តាច់ព្រ័ត្រទល់នឹងក្រុមជម្រើសជាតិអង់គ្លេស។

សមិទ្ធផលនេះហើយបានជួយឲ្យរូបគេឲ្យឈ្នះពានរង្វាន់អ្នកចាំទីល្អជាងគេប្រចាំឆ្នាំខណៈអ្នកចាំទី Edouard Mendy បានបញ្ចប់នៅក្នុងចំណាត់ថ្នាក់លេខ២ Jan Oblak ចំណាត់ថ្នាក់លេខ៣ Ederson លេខ៤ និង Manuel Neuer ឈរនៅលេខ៥៕