ទើបមកដល់សោះនឹង! Depay អាចនឹងចាកចេញពី Barca ក្រោយក្លិបយក្សមួយនេះហ៊ានបោះតម្លៃផ្ទេរ ៤០ លានអឺរ៉ូ - Khmerload

ទើបមកដល់សោះនឹង! Depay អាចនឹងចាកចេញពី Barca ក្រោយក្លិបយក្សមួយនេះហ៊ានបោះតម្លៃផ្ទេរ ៤០ លានអឺរ៉ូ

https://s9.kh1.co/60/6051e4c06774d618ed699837239086b520063c35.jpg
កីទ្បា
 30-Nov-2021 10am · 2 months ago

Depay អាចនឹងចាកចេញពី Barca ក្រោយក្លិបយក្សមួយនេះហ៊ានបោះតម្លៃផ្ទេរ ៤០ លានអឺរ៉ូ

បរទេស៖ ក្លិប AS Roma ត្រូវបានគេរាយការណ៍មកថា ពួកគេកំពុងដាក់គោលដៅចង់បានកីឡាករ Memphis Depay ពីក្លិប Barcelona នៅរដូវក្តៅនេះ។

https://s9.kh1.co/__image/w=650,h=366,q=100/77/775521a814ad4cf3bf179a50c04c293e088f15dc.jpg
Memphis Depay
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ កាលពីខែ មិថុនា កន្លងទៅខ្សែប្រយុទ្ធឆ្នើមសញ្ជាតិ ហូល្លង់ បានផ្លាស់ចេញពីក្រុម Lyon មកចូលរួមជាមួយ Barca ដោយគ្មានតម្លៃខ្លួន បន្ទាប់ពីផុតកុងត្រាជាមួយក្លិបចាស់, ក្នុងនោះរូបគេទទួលបានសិទ្ធពាក់អាវលេខ ៩ នៅទឹកដី Camp Nou, ហើយសម្រាប់ការបង្ហាញខ្លួនចំនួន ១៤ ប្រកួតនៅក្របខណ្ឌ La Liga កន្លងមក គេស៊ុតបញ្ចូលទីបានចំនួន ៨ គ្រាប់ និងបញ្ជូនបាន ២លើក។

https://s9.kh1.co/__image/w=650,h=369,q=100/b7/b72f8ffe54e272bd8e10202e3f59fb707d03192b.jpeg
Memphis Depay

យោងតាមសេចក្តីរាយការណ៍របស់កាសែត El Nacional បានឱ្យដឹងថា Roma ឥឡូវនេះកំពុងចាប់អារម្មណ៍ចង់បាន Depay មកកាន់លីគ Serie A ហើយពួកគេជឿជាក់ថា Barca នឹងអាចលក់ខ្សែប្រយុទ្ធវ័យ ២៧ ឆ្នាំខាងលើ ដោយសារបច្ចុប្បន្នក្រុមអ្នកមានបុណ្យកំពុងជួបប្រទះនូវវបត្តិហិរញ្ញវត្ថុ, ខណៈក្រុមចចកបណ្តើរកូនហ៊ានផ្តល់តម្លៃផ្ទេរចំនួន ៤០ លានអឺរ៉ូ ឬប្រមាណជា (៤៥ លានដុល្លា) សម្រាប់ខ្សែប្រយុទ្ធឆ្នើមរូបនេះ៕

ប្រភពSportbible

Sem Kosal
K.S

អត្ថបទទាក់ទង