បរទេស៖ ក្លិប AS Roma ត្រូវបានគេរាយការណ៍មកថា ពួកគេកំពុងដាក់គោលដៅចង់បានកីឡាករ Memphis Depay ពីក្លិប Barcelona នៅរដូវក្តៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កាលពីខែ មិថុនា កន្លងទៅខ្សែប្រយុទ្ធឆ្នើមសញ្ជាតិ ហូល្លង់ បានផ្លាស់ចេញពីក្រុម Lyon មកចូលរួមជាមួយ Barca ដោយគ្មានតម្លៃខ្លួន បន្ទាប់ពីផុតកុងត្រាជាមួយក្លិបចាស់, ក្នុងនោះរូបគេទទួលបានសិទ្ធពាក់អាវលេខ ៩ នៅទឹកដី Camp Nou, ហើយសម្រាប់ការបង្ហាញខ្លួនចំនួន ១៤ ប្រកួតនៅក្របខណ្ឌ La Liga កន្លងមក គេស៊ុតបញ្ចូលទីបានចំនួន ៨ គ្រាប់ និងបញ្ជូនបាន ២លើក។
យោងតាមសេចក្តីរាយការណ៍របស់កាសែត El Nacional បានឱ្យដឹងថា Roma ឥឡូវនេះកំពុងចាប់អារម្មណ៍ចង់បាន Depay មកកាន់លីគ Serie A ហើយពួកគេជឿជាក់ថា Barca នឹងអាចលក់ខ្សែប្រយុទ្ធវ័យ ២៧ ឆ្នាំខាងលើ ដោយសារបច្ចុប្បន្នក្រុមអ្នកមានបុណ្យកំពុងជួបប្រទះនូវវបត្តិហិរញ្ញវត្ថុ, ខណៈក្រុមចចកបណ្តើរកូនហ៊ានផ្តល់តម្លៃផ្ទេរចំនួន ៤០ លានអឺរ៉ូ ឬប្រមាណជា (៤៥ លានដុល្លា) សម្រាប់ខ្សែប្រយុទ្ធឆ្នើមរូបនេះ៕
ប្រភព៖ Sportbible