អាមេរិក៖ តារាចម្រៀងអាមេរិកដ៏ល្បីល្បាញគឺអ្នកនាង Pink បានសរសេរសារមួយក្នុងបណ្ដាញសង្គម Twitter ដោយប្រកាសស្នើសុំអាវកីឡាពីរដែលមានហត្ថលេខាពី Cristiano Ronaldo ដោយសារក្មេងៗដែលនាងបានជួយឧបត្ថម្ភចង់បានជាកាដូថ្ងៃបុណ្យណូអែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Ronaldo មិនត្រឹមតែខ្សែប្រយុទ្ធឆ្នើមនៅលើទីលាននោះទេ គេក៏ជាមនុស្សម្នាក់ដែលចូលចិត្តការងារសប្បុរសនិងតែងតែផ្ញើសារលើកទឹកចិត្តក្មេងៗមកពីជុំវិញពិភពលោកនិងបរិច្ចាគប្រាក់ចូលមូលនិធិសប្បុរសធម៌ផងដែរ។
ក្រៅពីនោះ Ronaldo ក៏ជាទូតសុឆន្ទៈរបស់ អង្គការ Unicef, World Vision និង Save Children ទៀតផង។
អ្នកនាង Pink បានសរសេរសារថា៖
សួស្ដី @Cristiano ខ្ញុំបានជួយឧបត្ថម្ភក្មេងពីរបីនាក់ហើយសម្រាប់កាដូណូអែលឆ្នាំនេះគឺពួកគេមិនចង់បានអីផ្សេងក្រៅពីអាវកីឡាកររបស់អ្នកទេ។ ពួកគេមិនមានអីច្រើនទេប៉ុន្តែខ្ញុំចង់ធ្វើឲ្យសេចក្ដីប្រាថ្នាគេបានសម្រេច។ តើអ្នកអាចជួយផ្ញើអាវខ្លះដើម្បីផ្លាស់ប្ដូរជីវិតពួកគេទេ? ខ្ញុំដឹងថាអ្នកធ្វើរឿងអស្ចារ្យជាច្រើនប៉ុន្តែ...
បន្ទាប់មក Cristiano Ronaldo ក៏បានឆ្លើយតបទៅវិញថា៖
សួស្ដី @Pink ខ្ញុំសប្បាយចិត្តក្នុងការជួយ ខ្ញុំនឹងរៀបចំអាវដែលមានហត្ថលេខាខ្ញុំសម្រាប់ក្មេងៗ វាមិនមែនជាបញ្ហាទេ។ សូមអបអរសាទរដែលធ្វើឲ្យរឿងនេះកើតឡើង
Pink ក៏បានតបទៅវិញថា៖
វាពិតជាអស្ចារ្យណាស់ហើយខ្ញុំពិតជាដឹងគុណអ្នកណាស់!អ្នកជាមនុស្សអស្ចារ្យបំផុត!
ប្រភព៖ thesun
Bong I.T