បរទេស៖ កីឡាករ Lionel Messi បានក្លាយជាម្ចាស់ពានរង្វាន់ Ballon d’Or នៅក្នុងឆ្នាំ ២០២១ នេះ ហើយគាត់បានទទួលពានរង្វាន់មួយនេះដែលប្រារព្ធឡើងនៅក្នុងទីក្រុង ប៉ារីស នៃប្រទេស បារាំង បន្ទាប់ពីជួយឱ្យក្រុមជម្រើសជាតិ អាហ្សង់ទីឈ្នះពានរង្វាន់ Copa America ឆ្នាំ ២០២១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជារួមសម្រាប់សមិទ្ធិផលបន្ថែមទៀតដែលគាត់ធ្វើបាននៅក្នុងរដូវកាល ២០២០-២០២១, ពោលគឺគាត់បានក្លាយជាខ្សែប្រយុទ្ធដែលស៊ុតបញ្ចូលទីច្រើនជាងគេនៃក្របខណ្ឌ La Liga និងបានជួយឱ្យក្រុម Barcelona ឈ្នះពានរង្វាន់ Copa del Rey ផងដែរ មុនពេលផ្លាស់ទៅចូលរួមជាមួយក្រុម Paris Saint-Germain។
គួរបញ្ជាក់ថា នេះជាលើកទី ៧ ហើយដែល Messi បានឈ្នះនូវពានរង្វាន់ឯកត្តជនកំពូលមួយនេះ, ដោយគិតមកត្រឹមពេលនេះមិនទាន់មានកីឡាករណាម្នាក់តាមស្មើកំណត់ត្រានេះទេ, ក្នុងនោះគាត់ធ្លាប់ឈ្នះនៅក្នុងឆ្នាំ ២០០៩, ២០១០, ២០១១, ២០១២, ២០១៥, ២០១៩ និង ២០២១៕
សូមទស្សនាវីដេអូខាងក្រោម៖
ប្រភព៖ Marca