បរទេស៖ ក្រោយក្រុម Manchester City បានទទួលជ័យជម្នះទៅលើក្រុម Paris Saint-Germain នៃពានរង្វាន់ Champions League, ខ្សែប្រយុទ្ធសញ្ជាតិ ប្រេស៊ីលកីឡាករ Gabriel Jesus បានកោតសរសើរចំពោះសមត្ថភាពមិត្តរួមក្រុម Bernardo Silva ហើយគាត់បានលើកឡើងថា ខ្សែបម្រើសញ្ជាតិ ព័រទុយកាល់គឺជាកីឡាករល្អដាច់គេក្នុងលោកនាពេលបច្ចុប្បន្ន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរបញ្ជាក់ថា នៅក្នុងការប្រកួតនោះក្រុម Man City បានយកឈ្នះក្នុងលទ្ធផល ២-១ ទៅលើក្រុម PSG, ខណៈ Kylian Mbappe ជាអ្នកស៊ុតគ្រាប់បាល់បើកឆាកឱ្យក្រុមអ្នកមានបារាំង មុនពេល Raheem Sterling និង Jesus ស៊ុតវាយបកម្នាក់មួយគ្រាប់ជួយឱ្យក្រុម មេឃខៀវទទួលជ័យជម្នះ, ទោះបីយ៉ាងណាក៏ដោយ Silva មិនបានរកគ្រាប់បាល់នៅក្នុងការប្រកួតនេះទេ ប៉ុន្តែគេបានចូលរួមចំណែកយ៉ាងសំខាន់ក្នុងការបង្កើតឱកាស និងចង្វាក់លេងនៅក្នុងក្រុមទាំងមូល។
ទាក់ទងនឹងរឿងខាងលើ Jesus បានលើកឡើងពី Silva យ៉ាងដូច្នេះថា៖
នៅក្នុងការយល់ឃើញរបស់ខ្ញុំ, Silva គឺជាកីឡាករល្អដាច់គេក្នុងលោកនាពេលបច្ចុប្បន្ន។ គុណភាពរបស់គាត់ គឺសមជាកីឡាករដ៏អស្ចារ្យម្នាក់, ហើយជារឿយៗគាត់តែងតែសកម្មជាងគេនៅក្នុងក្រុមផងដែរ៕
ប្រភព៖ Goal
Bong I.T