ចប់បាត់! តារាឆ្នើមរបស់ អង់គ្លេស រូបនេះកំពុងស្ទាក់ស្ទើរក្នុងការផ្លាស់មក Man UTD ដោយសារខ្លាចអ្នកគាំទ្រជេរ.ប្រ.មាថ

បរទេស៖ តារាឆ្នើមរបស់ក្រុម Leeds United កីឡាករ Kalvin Phillips ត្រូវបានគេរាយការណ៍មកថា រូបគេកំពុងស្ទាក់ស្ទើរក្នុងការផ្លាស់មកកាន់ក្លិប Manchester United ដោយសារខ្លាចទទួលរងការរំលោភបំពាន និងការជេរប្រមាថពីសំណាក់អ្នកគាំទ្រ។

ខ្សែបម្រើវ័យ ២៥ ឆ្នាំបច្ចុប្បន្នកំពុងលេចធ្លោរខ្លាំងនៅក្របខណ្ឌ Premier League ហើយរូបគេក៏កំពុងឡើងតម្លៃខ្លួនខ្លាំងផងដែរ ជាពិសេសក្រោយពេលបញ្ចប់យុទ្ធនាការ Euro ២០២០ ដោយពេលនោះគេពិតជាបង្ហាញសមត្ថភាពបានល្អមែនទែន។

យ៉ាងណាមិញ មានព័ត៌មានលេចឮថាខ្សែបម្រើខាងលើអាចនឹងចាកចេញពីទឹកដី Elland Road នៅពេលខាងមុខ, ជាមួយគ្នានេះត្រូវបានគេរាយការណ៍ថា Man UTD គ្រោងចាយទឹកប្រាក់ចំនួន ៦០ លានផោន ឬប្រមាណជា (៨០ លានដុល្លារអាមេរិក) ដើម្បីផ្ទេរយករូបគេមកកាន់ទឹកដី Old Trafford។

ប៉ុន្តែបើយោងតាមសេចក្តីរាយការណ៍របស់កាសែត the Daily Star បានឱ្យដឹងថា Phillips ដូចជាមិនសូវចាប់អារម្មណ៍ក្នុងការផ្លាស់មក Man UTD ប៉ុន្មានទេ ដោយសារតែគាត់គិតថារវាង ក្រុមបិសាចក្រហម និងក្រុម Leeds គឺជាគូប្រជែងនឹងគ្នា។

ហើយប្រភពដដែលបានបន្តថាគាត់បានប្រាប់ទៅកាន់មិត្តភក្តិជិតស្និទ្ធរបស់គាត់ថា គាត់ និងក្រុមគ្រួសាររបស់គាត់គឺខ្លាចទទួលរងការរំលោភបំពាន ប្រសិនបើគាត់ព្រមចូលរួមជាមួយ Man UTD៕

ប្រភព៖ Sportbible