អាមេរិក៖ ស្ត្រីម្នាក់មកពីរដ្ឋ Kentucky នៃសហរដ្ឋអាមេរិក និងជាតារាស្រីម្នាក់ ដែលបង្ហាញខ្លួនក្នុងខ្សែវីដេអូឯកសារអំពីការប្រើប្រាស់ជីវិតប្រចាំថ្ងៃជាមួយនឹងរាងកាយទម្ងន់ធ្ងន់របស់នាង បានចែករំលែកនូវជីវិតស្នេហាឲ្យអ្នកទស្សនាដឹងកាលពីថ្មីៗកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង នាង Tammy Slaton មានអាយុ៣៥ឆ្នាំ និងទម្ងន់ចំនួនប្រមាណ២៨៦គីឡូក្រាម បានមានទំនាក់ទំនងស្នេហាជាមួយនឹងបុរសម្នាក់តាមរយៈបណ្ដាញសង្គម ដែលមិត្តប្រុសរបស់នាងមកពីសហរដ្ឋអាមេរិកដូចគ្នា និងពិតជាស្រលាញ់នាងជាខ្លាំង។ ហើយមិត្តប្រុស បានប្រាប់នាងថា គាត់នឹងសុំចែកផ្លូវភ្លាមៗ ប្រសិនទម្ងន់របស់នាងស្រកក្រោមប្រមាណ១៣៦គីឡូក្រាម ព្រោះតែគាត់ជាបុរសដែលចូលចិត្តមនុស្សស្រីមានមាឌធំៗ។
យ៉ាងណាមិញ ចំពោះរូបនាងផ្ទាល់ គ្រាន់តែឮបែបនេះ មានអារម្មណ៍ថារីករាយជាខ្លាំង និងពិតជាមិនមានបញ្ហាអ្វីឡើយសម្រាប់នាង។ ងាកទៅកាន់ទំនាក់ទំនងស្នេហាវិញ បើទោះបីជាស្គាល់គ្នាតាមរយៈបណ្ដាញសង្គមក៏ដោយ ក៏នាងនិងមិត្តប្រុសហាក់មានភាពស្និទ្ធស្នាលជាមួយគ្នាយ៉ាងខ្លាំង តាំងពីថ្ងៃជួបមុខគ្នាដំបូងម៉្លេះ ដែលនាងគិតថា ទៅថ្ងៃអនាគតជីវិតស្នេហានឹងយូរអង្វែងផងដែរ៕
ប្រភព: Daily Mail
សូមទស្សនារូបភាពខាងក្រោម៖