រាជធានីភ្នំពេញ៖ កាលពីពេលថ្មីៗកន្លងទៅនេះ ពោលគឺនៅវេលាម៉ោង០១ និង៥០នាទី រសៀលថ្ងៃទី២៥ ខែវិច្ឆិកា ឆ្នាំ២០២១កន្លងទៅនេះ មហាជន និងអ្នកលេងបណ្តាញសង្គម បានផ្ទុះការភ្ញាក់ផ្អើលជាខ្លាំង ក្រោយពេលដែលបានឃើញយុវជនម្នាក់ ជិះម៉ូតូមិនពាក់មួកសុវត្ថិភាព និងបញ្រ្ចាសទិស ហើយថែមទាំងគំរាមវាយមកលើសមត្ថកិច្ចទៀត ដែលហេតុការណ៍នេះ ស្ថិតនៅតាមបណ្តោយផ្លូវ២១៧ ក្រោមស្ពានអាកាសស្ទឹងមានជ័យ ក្នុងភូមិសាស្រ្ត សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក្រោយកើតហេតុការណ៍នេះ ក្រោមការចង្អុលបង្ហាញពីឯកឧត្តមនាយឧត្តមសេនីយ៍ នេត សាវឿន បានបញ្ជាឲ្យនគរបាលរាជធានីភ្នំពេញ ត្រូវស្រាវជ្រាវបន្ទាន់តាមចាប់ខ្លួនបុគ្គលម្នាក់ មកចាត់វិធានការតាមច្បាប់ជាបន្ទាន់។
ផ្អែកតាមការស្រាវជ្រាវ និងកំណត់អត្តសញ្ញាណ បុរសខាងលើមានឈ្មោះថា យឹង វណ្ណដា ភេទប្រុស អាយុ ២៧ ឆ្នាំ មុខរបរជា សន្តិសុខឯកជន មានទីលំនៅស្នាក់នៅម្តុំផ្សារដើមគរ នឹងត្រូវបានសមត្ថកិច្ចឃាត់ខ្លួន ព្រមទាំងបញ្ចូនទៅតុលាការដើម្បីចាត់ការតាមនិតីវិធីច្បាប់៕