ពិភពលោក៖ កាលពីប៉ុន្មានម៉ោងមុនបន្តិច អង្គការសុខភាពពិភពលោកបានចាត់ទុក COVID-19 បំប្លែងខ្លួនថ្មី B.1.1.529 ជាប្រភេទមេរោគដ៏ព្រួយបារម្ភ និងបានដាក់ឈ្មោះឲ្យកូវីដបម្លែងខ្លួនថ្មីនេះថា អូមីក្រុង (Omicron) នេះបើយោងតាមគេហទំព័រផ្លូវការនៃអង្គការសុខភាពពិភពលោកចេញផ្សាយនៅព្រឹកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរកត់សម្គាល់ផងដែលថា កូវីដប្រភេទ អូមីក្រុង នេះវាជាប្រភេទមេរោគបំលែងថ្មី ដែលឆ្លងលឿនខ្លាំងទ្វេដងជាងទម្រង់ដែលតាទៅទៀត(អនុភាព១០ដង) ។ ប្រភពដែលរកឃេីញដំបូងនៅប្រទេសអាហ្វ្រិកខាងត្បូង បន្ទាប់មករកឃេីញនៅប្រទេសបុតស្វាណា , ណាមីបៀ (Namibia), ហ្ស៊ីមបាបវ៉េ , ឡេសូថូ និងអេស្វាទីនី (Eswatini)ដែលជាប្រទេសស្ថិតនៅទ្វីបអាហ្រ្វិក ព្រមទាំងកាលពីពេលថ្មីៗនេះ បានរកឃេីញចំនួនពីរករណីនៅក្រុងហុងកុងដែលធ្វេីដំណេីរត្រលប់ពីប្រទេសអាហ្វ្រិកខាងត្បូង និងកំពុងរកឃេីញដែរនៅប្រទេសដទៃទៀតដូចជា អ៊ុីស្រាអែល អង់គ្លេស បែលហ្សិក ។
សូមរំលឹកផងដែលថា គិតរហូតមកទល់នឹងពេលនេះអង្គការសុខភាពពិភពលោកបានរកឃេីញមេរោគបំលែងថ្មីដែលព្រួយបារម្ភចំនួន៥ប្រភេទគឺ អាល់ហ្វា បេតា ហ្កាម៉ា ដែលតា និង អូមីក្រុង ហើយ៕