ពូកែណាស់! ល្អហួស ដើរម៉ូតល្អខ្លាំង មិនចាញ់បវរកញ្ញាអាជីព (មានវីដេអូ)

ភ្នំពេញ៖ ចាប់តាំងពីពេលកុមារី ល្អហួស បង្ហាញមុខលើបណ្ដាញសង្គម និងផ្ទុះល្បីថានាងមានមុខមាត់ដូចតារាសម្ដែងស្រីថៃលំដាប់ប្រទេស យ៉ាយ៉ា រួចមក នាងកាន់តែទទួលបានការចាប់អារម្មណ៍ខ្លាំងពីសំណាក់មហាជនដែលនិយមលេងបណ្ដាញសង្គម។ ពិតណាស់ ក្រៅពីមានរូបសម្ផស្សស្អាតផូរផង់ គេដឹងទៀតថាក្មេងស្រីរូបនេះ មានដុងសិល្បៈអាចសម្ដែង ច្រៀងរាំស្ទើរគ្រប់ទម្រង់ បើទោះបីនៅក្មេងវ័យក៏ពិតមែន។ 

ជាមួយគ្នានេះដែរ ស្របពេល ល្អហួស កាន់តែធំពេញវ័យ គេកាន់តែសម្លឹងឃើញពីទេពកោសល្យ និងសមត្ថភាពរបស់ក្មេងស្រីរូបនេះ ខណៈនាងអាចធ្វើរឿងគ្រប់យ៉ាងបានដូចមនុស្សពេញវ័យយ៉ាងដូច្នេះ។ ក្នុងនោះដែរ តារាស្រីវ័យក្មេងរូបនេះ ធ្លាប់បង្ហើបប្រាប់ថា ទៅថ្ងៃអានាគតនាងមានបំណងចង់ធ្វើជាតារាK-pop ជាពិសេសនៅពេលដែលគ្រប់អាយុ នាងនឹងដាក់ពាក្យចូលរួមប្រកួតបវរកញ្ញាតែម្ដង។ 

ជាក់ស្ដែង ប្រិយមិត្តធ្លាប់តែបានឃើញសមត្ថភាពសម្ដែង ច្រៀងរាំ និងរាំរបាំរបស់ល្អហួស ប៉ុន្តែថ្មីៗនេះនាងកំពុងហ្វឹកហាត់រៀនដើរបង្ហាញម៉ូតផងដែរ។ ដោយសកម្មភាពដើរម៉ូតនៅក្នុងវីដេអូ យុវតីរូបនេះពិតជាធ្វើបានល្អ ព្រមទាំងបង្ហាញឲ្យទស្សនិកជនឃើញពីភាពជឿជាក់មិនចាញ់បវរកញ្ញាប៉ុន្មានោះទេ។ ហើយការដើររបស់នាង មានភាពរស់រវើក ជំហានដើរមួយៗត្រូវនឹងចង្វាក់ភ្លេង រីឯការបង្វិលខ្លួន និងទឹកមុខក៏បញ្ចូលអារម្មណ៍បានយ៉ាងល្អគួរឲ្យសរសើរ៕

ប្រភពវីដេអូ៖ Oliva Kong

សូមទស្សនារូបភាព និងវីដេអូខាងក្រោម៖