បរទេស៖ បុរសជនជាតិអាមេរិកម្នាក់ មិនបញ្ចេញអត្តសញ្ញាណ និងមានអាយុ៦០ឆ្នាំ បានទិញគំនូរមួយផ្ទាំងក្នុងតម្លៃត្រឹមតែ៣០ដុល្លារអាមេរិកប៉ុណ្ណោះ តែកាលពីថ្មីៗនេះ ទើបដឹងថា វាអាចលក់វិញនៃតម្លៃដល់ទៅ៥០លានដុល្លារអាមេរិកឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា បុរសលាក់មុខខាងលើ បានទិញគំនូរដ៏មានតម្លៃនេះតាំងពីឆ្នាំ២០១៦ម៉្លេះ និងបានដាក់តាំងក្នុងផ្ទះរបស់គាត់អស់រយៈពេលប៉ុន្មានឆ្នាំមកហើយ រហូតដល់អ្នកឯកទេសជនជាតិអាមេរិកម្នាក់ និងដៃគូជាន់ខ្ពស់នៅក្រុមហ៊ុនលក់សិល្បៈប្រចាំទីក្រុងឡុងដ៏ បានប្រទះឃើញ។
តួយ៉ាង គំនូរនេះមានចំណងជើងថា The Virgin and Child With a Flower on a Grassy Bench (ឆ្នាំ១៥០៣) ហើយវាបានស្ថិតនៅក្នុងបណ្ដុំរបស់ស្ថាបត្យករ Jean-Paul Carlhian ដែលទទួលមរណភាពក្នុងឆ្នាំ២០១២។
ទោះជាយ៉ាងណាក៏ដោយ ម្ចាស់គំនូរដែលជាបុរសលាក់មុខ ត្រូវបានគេចរចាកិច្ចព្រមព្រៀង ដោយផ្ដល់នូវទឹកប្រាក់ចំនួន១០០,០០០លានដុល្លារអាមេរិកជាមុនសិន ហើយគាត់បានប្រើប្រាស់ប្រាក់ទៅលើការជួសជុលដំបូលផ្ទះឡើងវិញ ទិញរថយន្ដថ្មី និងធ្វើការបរិច្ចាគទៅកាន់ព្រះវិហារផងដែរ។ ចំពោះគំនូរវិញ បច្ចុប្បន្នកំពុងដាក់តាំងបង្ហាញនៅវិចិត្រសាល Agnews ក្នុងទីក្រុងឡុងដ៍រហូតដល់ថ្ងៃទី១២ ខែធ្នូ ខណៈជឿជាក់ថាវាអាចលក់បានតម្លៃដល់ទៅ៥០លានដុល្លារអាមេរិក៕
ប្រភព: Ladbible
សូមទស្សនារូបភាពខាងក្រោម៖