ឪពុកស្លាប់មិនទាន់បានប៉ុន្មាន ករុណា ពេជ្រ ប្រកាសលក់ដី យកលុយ មើលជំងឺម្តាយ នៅបារាំង - Khmerload

ឪពុកស្លាប់មិនទាន់បានប៉ុន្មាន ករុណា ពេជ្រ ប្រកាសលក់ដី យកលុយ មើលជំងឺម្តាយ នៅបារាំង

https://s9.kh1.co/52/520f24d2f82fa99e120fa3fc1b9cc04ada5b8cc4.jpg
តារា & កម្សាន្ដ
 25-Nov-2021 3pm · 10 days ago

កូនអញ្ចឹងរកណាបាន? ករុណា ពេជ្រ ប្រកូកប្រកាសលក់ដី យកលុយ មើលជំងឺម្តាយ នៅបារាំង

រាជធានីភ្នំពេញ៖ ជឿជាក់ថា មហាជន ក៏ដូចអ្នកប្រើប្រាស់បណ្តាញសង្គមជ្រាបរួចមកហើយ ការចែកឋាននិង ការរៀបចំជូនដំណើរចុងក្រោយគ្រប់ជ្រុងជ្រោយតាមប្រពៃណីរបស់ឪពុករបស់ តារា​ចម្រៀង​​​​របស់ផលិត​​កម្ម​ថោនលោក ករុណា ពេជ្រ ប៉ុន្មានថ្ងៃផង ពេលនេះ​ តារាចម្រៀងរូបនេះ ត្រូបង្ខំចិត្ត​ប្រកូកប្រកាសសម្រុក​លក់ដីជា​ច្រើន​កន្លែង ដើម្បី​​យក​​លុយ​ទៅមើលជំងឺអ្នកម្តាយ នៅស្រុកបារាំងថែមទៀត។

ជាមួយគ្នានេះ កាលពីពេលកន្លងទៅ លោក ករុណា ពេជ្រ ក៏ធ្លាប់បានប្រាប់សារព័ត៍មាន តារាញូស៍ ផងដែរថា ក្រោយពីឪពុកលោកចែកឋានទៅ រឿងបន្ទាប់គឺលោកនឹងត្រូវទៅប្រទេសបារាំង ដើម្បីដើរ​លំ​ហែ​​ផង និងមើលថែម្ដាយផង។ ក្នុងនោះ ចាប់តាំងពីឪពុកលោក ធ្លាក់​ខ្លួនឈឺមក លោកពុំដែលបាន​ចេញ​ដើរទៅណាឡើយ ព្រោះត្រូវនៅមើលថែគាត់ជាប្រចាំជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះ តារាចម្រៀងលោក ករុណា ពេជ្រ បានប្រកាសលក់​ដី​ជា​​បន្ត​បន្ទាប់ ដើម្បីទៅស្រុកបារាំង មើលថែទាំអ្នកម្តាយ។ ប៉ុន្តែជាការពិតការលក់ដីម្ដងនេះ ករុណា ពេជ្រ បានបញ្ជាក់ថា គឺត្រូវការ​លុយ​ជាបន្ទាន់​ដើម្បី​​ឡើងទៅប្រទេស​បារាំងនៅកំឡុងខែធ្នូ ខាងមុខនេះ ដ្បិតលោក​ត្រូវទៅ​មើល​ថែ​ម្ដាយដែល​​​កំពុងមានជំងឺ។

ថ្លែងប្រាប់តារញូស៍ នៅព្រឹកថ្ងៃទី២៤ ខែវិច្ឆិកា នេះ តារាចម្រៀងប្រចាំផលិតកម្មថោន លោក ករុណា ពេជ្រ បានបង្ហើបឱ្យដឹងថា លោកលក់ដីពេលនេះ ដើម្បីបានលុយខ្លះយកទៅមើលថែម្ដាយឈឺនៅបារាំង ខណៈ​ការហោះហើរអាចនឹងឆាប់ៗខាងមុខនេះ ដ្បិតលោកត្រូវធ្វើតេស្ដទិដ្ឋាការនៅថ្ងៃទី០២ ខែធ្នូ នេះហើយ។ ប្រសិនជាជាប់ លោកនឹងអាចចេញទៅនៅកំឡុងខែធ្នូខាងមុខនេះតែម្ដង។

គួររំលឹកថា តាមដឹង តារាចម្រៀងរូបនេះ បានចាយថវិកា ខ្ទង់១០​ម៉ឺន​ដុល្លារ ក្នុងការរៀប​​ចំពិធីបុណ្យសពជូនឪពុករបស់លោក ជាលើកចុងក្រោយ ហើយនាពេលនេះ ករុណា ពេជ្រ ក៏កំពុងប្រកូកប្រកាសលក់ដីចំនួនពីរកន្លែងបន្ថែមទៀត ដើម្បី​យក​​លុយទៅដើរលំហែ និងទៅមើលថែម្ដាយដែលកំពុងឈឺនៅប្រទេសបារាំងផង៕

https://s9.kh1.co/__image/w=650,h=433,q=100/1f/1f0129b5801a8d7e24764f440a40579578d225ee.jpg
ករុណា ពេជ្រ
https://s9.kh1.co/__image/w=650,h=488,q=100/cc/cc68a2783e0a679795850a045a197f7fe201384f.jpg
ករុណា ពេជ្រ
https://s9.kh1.co/__image/w=650,h=488,q=100/fb/fb69732ea501cd3cb435af72377b40fef8a5f0e8.jpg
ករុណា ពេជ្រ
https://s9.kh1.co/__image/w=650,h=867,q=100/62/6218ab1d9d916e112f8405bc2cb83f3914cf564f.jpg
ករុណា ពេជ្រ
https://s9.kh1.co/__image/w=650,h=488,q=100/40/402820b7b11cbe54dbb6ae6a1e7b07724393ec4e.jpg
ករុណា ពេជ្រ
https://s9.kh1.co/__image/w=650,h=867,q=100/2d/2d628db3c028a45bc1af786812c10575d135d796.jpg
ករុណា ពេជ្រ
https://s9.kh1.co/__image/w=650,h=488,q=100/f5/f519e5a0d382ca94ae17691a9413599f21e7b5e5.jpg
ករុណា ពេជ្រ
https://s9.kh1.co/__image/w=650,h=366,q=100/a7/a7af95a42a3c91fc54f1f013b1ee9ffffda73f79.jpg
ករុណា ពេជ្រ
https://s9.kh1.co/__image/w=650,h=488,q=100/0a/0a60064deefa72d26e8903512a7c83745c9c4041.jpg
ករុណា ពេជ្រ ក្នុងពិធីបុណ្យសពឪពុក
Keo Sieklin
S.L

អត្ថបទទាក់ទង