អេស្ប៉ាញ៖ លោក Jonathan Barnett បានរិះគន់ទៅអ្នកគាំទ្រ Real Madrid ដែលកំពុងមិនសប្បាយចិត្ដជាមួយខ្សែប្រយុទ្ធ Gareth Bale ជាកីឡាករដែលលោកគ្រប់គ្រង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ពិតណាស់ Bale ជាកីឡាករជំនាញជើងឆ្វេងដ៏ល្អមួយរូប ដែលបានមកចូលរួមជាមួយ Real Madrid ក្នុងឆ្នាំ២០១៣ ហើយបានឈ្នះពាន Champions League ចំនួន៤ និងពានរង្វាន់ផ្សេងៗទៀត ។ ប៉ុន្ដែនាប៉ុន្មានឆ្នាំចុងក្រោយនេះ គាត់ហាក់ធ្លាក់ទម្រង់លេងខ្លាំង ខណៈនៅរដូវកាលនេះ ទើបបង្ហាញខ្លួនបាន៤ដងប៉ុណ្ណោះ។
យ៉ាងណាមិញ លោក Barnett បាននិយាយពីអ្នកគាំទ្ររបស់ក្រុម Real Madrid ដែលរិះគន់ Bale ថា៖
ខ្ញុំមិនខ្វល់ពីអ្វីដែលពួកគេគិតនោះទេ។ ហេតុអ្វីបានជាខ្ញុំត្រូវព្រួយបារម្ភ? ខ្ញុំគិតថាគេស្អប់ Gareth Bale ។ ពួកគេមានអាកប្បកិរិយាមិនល្អទេ។
លោកក៏បាននិយាយពីស្ថានភាពរបស់ Bale នៅ Real Madrid និងទំនាក់ទំនងរបស់គាត់ជាមួយគ្រូបង្វឹកថា៖
គាត់ (Bale) ស្រលាញ់ Real Madrid ខ្លាំងណាស់ ហើយទំនាក់ទំនងរបស់គាត់ជាមួយលោក Carlo Ancelotti គឺអស្ចារ្យណាស់។ គាត់មិនអីទេ តែសំណាងមិនល្អគាត់រងរបួសជាថ្មីម្ដងទៀត ប៉ុន្ដែគាត់នឹងត្រលប់មកវិញឆាប់ៗ៕
ប្រភព៖ football-espana
Bong I.T