អឺរ៉ុប៖ ខ្សែប្រយុទ្ធក្លិប Paris Saint Germain កីឡាករ Lionel Messi បានបញ្ចេញក្បាច់ចាស់របស់ខ្លួន គឺ ការញាក់បាល់ប្រឡោះជើង Raheem Sterling បានយ៉ាងល្អក្នុងការប្រកួតយប់មិញទល់នឹង Manchester City។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នាយប់មិញនេះ PSG បានរង់បរាជ័យក្រោមថ្វីជើង Man City ក្នុងលទ្ធផល ២ទល់នឹង១ នាក្របខណ្ឌ Champions League ដែលលទ្ធផលនេះបានធ្វើឲ្យពួកគេឈរនៅក្នុងចំណាត់ថ្នាក់លេខ២ មាន៨ពិន្ទុ ប៉ុន្តែ ក្រុមយក្សបារាំងខាងលើបានកក់កៅអីទៅកាន់វគ្គ១៦ក្រុមបានសម្រេចហើយទោះរង់បរាជ័យនៅការប្រកួតក្រោយក៏ដោយ។
ក្រោយបញ្ចប់ការប្រកួត អ្នកគាំទ្រហាក់មិនសូវភ្ញាក់ផ្អើលចំពោះលទ្ធផលប៉ុន្មានទេ ដោយសារក្រុមទាំងពីរសុទ្ធតែមានឈ្មោះឡើងទៅវគ្គបន្តទៅហើយ ប៉ុន្តែ យើងឃើញមានការចែករំលែកជាច្រើនអំពីវីដេអូ Messi ប្រើក្បាច់ញាក់ប្រឡោះជើងរបស់ Sterling តាំងពីនាទីទី៦ នៃវគ្គទី១ ប៉ុន្តែ កីឡាករសញ្ជាតិអង់គ្លេសហាក់មិនខ្វល់ខ្វាយច្រើនប៉ុន្មានទេ ពីព្រោះរូបគេមិនមែនជាកីឡាករទី១ដែល Messi ធ្លាប់ញាក់ប្រឡោះជើងបានឡើយ គឺ គេធ្លាប់ធ្វើដាក់កីឡាករល្បីៗជាច្រើននាក់៕