លោក Santos ជឿជាក់ថាម្នាក់នេះនឹងអាចជួយស្រោចស្រង់ព័រទុយកាល់បាន ហើយលោកនឹងលាលែងពីតំណែងបើក្រុមមិនអាចឡើងទៅលេង World Cup - Khmerload

លោក Santos ជឿជាក់ថាម្នាក់នេះនឹងអាចជួយស្រោចស្រង់ព័រទុយកាល់បាន ហើយលោកនឹងលាលែងពីតំណែងបើក្រុមមិនអាចឡើងទៅលេង World Cup

https://s9.kh1.co/8b/8bea7b26df89c4d2b0509938f88c3ef48624e0fb.jpg
កីទ្បា
 25-Nov-2021 10am · 10 days ago

លោក Santos ជឿជាក់ថាម្នាក់នេះនឹងអាចជួយស្រោចស្រង់ព័រទុយកាល់បាន ហើយលោកនឹងលាលែងពីតំណែងបើក្រុមមិនអាចឡើងទៅលេង World Cup

បរទេស៖ គ្រូបង្វឹកលោក Fernando Santos បានមានប្រសាសន៍ថា លោកនឹងលាលែងចេញពីតំណែងភ្លាម ប្រសិនបើព័រទុយកាល់មិនអាចឡើងទៅលេងព្រឹត្តិការណ៍ World Cup ឆ្នាំ ២០២២, ក្នុងនោះលោកបានបន្ថែមថា លោកគឺជឿជាក់ជាខ្លាំងចំពោះសមត្ថភាពរបស់ Cristiano Ronaldo និង របៀបដឹកនាំរបស់លោក។

https://s9.kh1.co/__image/w=650,h=366,q=100/2f/2f821e554de135b13e0dba0216f3a251d4ac1e91.jpg
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រុមព័រទុយកាល់គឺមិនបានកៅអីស្វ័យប្រវត្តិដើម្បីឡើងទៅកាន់ជុំផ្តាច់ព្រ័ត្រនៃព្រឹត្តិការណ៍ World Cup Qatar ២០២២ ឡើយ, បន្ទាប់ពីក្រុមរបស់លោក Santos បញ្ចប់ការប្រកួតវគ្គជម្រុះតាមពូលនៃពូល A ត្រឹមចំណាត់ថ្នាក់ទី ២ ប៉ុណ្ណោះ, ក្នុងនោះក្រុមបញ្ចខែល ត្រូវតម្រូវឱ្យលេង play off ជាមួយក្រុមលេខ ២ផ្សេងទៀត ដើម្បីស្វែងរកឱកាសឡើងទៅជុំបន្ត។

https://s9.kh1.co/__image/w=634,h=423,q=100/41/41c2a8a8a88d1eca9881db6bceb0711b2a6d6aa1.jpg

ថ្លែងប្រាប់ទូរទស្សន៍ Portuguese TV លោក Santos បានមានប្រសាសន៍យ៉ាងដូច្នេះថា៖

ប្រសិនបើពួកយើងបរាជ័យដោយមិនបានឡើងទៅលេងការប្រកួត World Cup ឆ្នាំ ២០២២, ខ្ញុំនឹងលាលែងចេញពីតំណែងក្នុងនាមជាគ្រូបង្វឹករបស់ក្រុមជម្រើសជាតិភ្លាម។ ខ្ញុំមិនជឿថារបៀបដឹកនាំរបស់ខ្ញុំវាហួសសម័យនោះទេ។ សរុបមក, ខ្ញុំមានទំនុកចិត្តជាខ្លាំងចំពោះ Ronaldo, ចំណែក Ronaldo គេក៏ជឿជាក់ខ្លាំងមកលើខ្ញុំផងដែរ។ ថ្ងៃណាមួយ ដែលយើងមិនអាចសម្រេចគោលដៅរបស់យើង, ខ្ញុំនឹងចាកចេញភ្លាម។ ដូច្នេះ យើងត្រូវតែប្រឹងប្រែងដើម្បីសម្រេចបាននូវគោលដៅរបស់ពួកយើង៕

  លោក Fernando Santos

ប្រភពJust Football

Sem Kosal
K.S

អត្ថបទទាក់ទង