គាត់កំពុងពិបាកផង មកធ្វេីចឹងដាក់គាត់ទៀត! សូមប្រយ័ត្ន! ជនអនាមិកបង្កើតផេកតាចេក ដើម្បីឆបោកថវិកា ពីមហាជន

រាជធានីភ្នំពេញ៖ នៅថ្ងៃទី២៤ ខែវិច្ឆិកានេះ លោក ហេង នរកក្កដា បានប្រកាសនៅលើបណ្តាញសង្គមថា មានជនឆបោកបានបង្កើតគណនីហ្វេសប៊ុកតាចេក ក្លែងក្លាយ ក្នុងគោលបំណងឆបោកថវិកាពីមហាជន។

ក្នុងនោះ បើតាមសំណេររបស់លោក ហេង នរកក្កដា បានសរសេររៀបរាប់ប្រាប់ដូច្នេះថា៖

សូមរំលឹកផងដែរថា តារាកំប្លែងវ័យចំណាស់ពូកែសម្តីមិនចេះរីងស្ងួត តាចេក​ សព្វថ្ងៃនេះ លោកកំពុងតែជួបការលំបាក នៅក្នុងជីវភាពរស់នៅប្រចាំថ្ងៃ ក្នុងនោះតាចេក ត្រូវរ៉ាប់រងនូវជីវភាពគ្រួសារដែលមានសមាជិកដល់ទៅ១១នាក់ឯណោះ ក្នុងអំឡុងពេលនៃវិប័ត្តជំងឺកូវីដ១៩ នៅក្នុងប្រទេសកម្ពុជា។

ក្នុងនោះ តារាកំប្លែងរូបនេះ កំពុងតែជួលតូបគេ២តូប ដើម្បីលក់ផ្លែឈើ និងភេសជ្ជៈផ្សេងៗ នៅតាមផ្លូវចូលទៅលេងរមណីយដ្ឋានគិរីរម្យ ហើយការលក់ដូរវិញទៀតសោតក៏លក់ពុំសូវដាច់កាក់កបប៉ុន្មានដែរ ពោលគឺនៅតំបន់កម្សាន្តមួយនេះ ក៏មិនសូវមានភ្ញៀវទៅលេងផង។​ ខណៈពេលដែលរូបលោក ប្រឹងរកស៊ីលក់ដូររកពេលសម្រាកគ្មាន គឺដើម្បីសន្សំលុយដើម្បីបង់បំណុលធនាគារ៕