អង់គ្លេស៖ អ្នកចាត់ការក្រុមហង្សក្រហម Liverpool លោក Jorgen Klopp បានធ្វើការសរសើរដល់កីឡាករចំណូលថ្មីរបស់ក្រុមបិសាចក្រហម Manchester United គឺ Jadon Sancho ដោយចាត់ទុកថាគេជាកីឡាករមានទេព្យកោសល្យលំដាប់ពិភពលោក ហើយក្នុងនោះលោកក៏មិនភ្លេចខ្សែប្រយុទ្ធ Mason Greenwood ដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អ្នកចាត់ការសញ្ជាតិអាល្លឺម៉ង់រូបនេះ ជឿជាក់ថា Sancho មានសមត្ថភាពគ្រប់គ្រាន់ក្នុងការក្លាយខ្លួនជាកីឡាករល្អបំផុត នៅលើពិភពលោក។ លោកបានថ្លែងថា៖
Jadon Sacho ជាកីឡាករមានទេព្យកោសល្យលំដាប់ពិភពលោក យ៉ាងពិតប្រាកដ។ គាត់មានអ្វីៗគ្រប់យ៉ាងដើម្បីក្លាយខ្លួនជាកីឡាកឆ្នើមលំដាប់ពិភពលោកម្នាក់ នាពេលអនាគត។ ប៉ុន្ដែគាត់នៅក្មេងនៅឡើយ។
អ្នកចាត់ការវ័យ៥៤ឆ្នាំរូបនេះ ក៏បានសរសើរដល់ Greenwood ផងដែរ ដោយជឿជាក់តាមរយៈទម្រង់លេងបច្ចុប្បន្នរបស់គេ អាចឲ្យ Sacho បាត់បង់តំណែងបាន។ លោកបាននិយាយថា៖
Mason Greenwood គាត់ជាកីឡាករមានទេព្យកោសល្យម្នាក់។ ខ្ញុំគិតថាគាត់ប្រហែលជាបានរុញ Sancho ចេញពីតំណែង។ Mason អាចលេងជាខ្សែប្រយុទ្ធកណ្ដាលបាន ប៉ុន្ដែនៅ Man United មិនមានកន្លែងទំនេរទៀតទេ ដូច្នេះពួកគេនឹងត្រូវចែកគ្នាលេង៕
ប្រភព៖ sportskeeda
Bong I.T