ចាញ់ធ្ងន់ម្ល៉េះ! មានដឹងលោក Jose បកស្រាយថាម៉េចខ្លះអត់ ក្រោយ Roma ចាញ់ក្រុមមិនដែលឮឈ្មោះដល់ទៅ ៦-១ - Khmerload

ចាញ់ធ្ងន់ម្ល៉េះ! មានដឹងលោក Jose បកស្រាយថាម៉េចខ្លះអត់ ក្រោយ Roma ចាញ់ក្រុមមិនដែលឮឈ្មោះដល់ទៅ ៦-១

https://s9.kh1.co/61/61797f3cece3341fc5058a75b36081b799ff3cde.jpg
កីទ្បា
 22-Oct-2021 9am · a month ago

មានដឹងលោក Jose បកស្រាយថាម៉េចខ្លះអត់ ក្រោយ Roma ចាញ់ក្រុម Bodo/Glimt ដល់ទៅ ៦-១

បរទេស៖ លោក Jose Mourinho បានចេញមុខទទួលខុសត្រូវទាំងស្រុង ជុំវិញលទ្ធផលដែលក្រុម Roma បានរងបរាជ័យយ៉ាងអាម៉ាស់ក្រោមថ្វីជើងក្រុម Bodo/Glimt នៃពានរង្វាន់ Europa Conference League រហូតដល់ទៅ -

https://s9.kh1.co/__image/w=624,h=351,q=100/73/733756c5365dd968e02c15b25c71c936d38d4a0c.jpg
  លោក Jose Mourinho
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានោះ លោកក៏បានលើកឡើងផងដែរថា កីឡាករដែលលោកដាក់ឱ្យលេងយប់មិញគឺមិនពេញសាច់នោះទេ ជាពិសេសនៅទីនោះគឺពិតមានអាកាសធាតុត្រជាក់មែនទែន ដែលជាហេតុធ្វើឱ្យកូនក្រុមរបស់លោកពិបាកសម្របខ្លួន ដូច្នេះហើយទើបក្រុមរបស់លោកចាញ់ធ្ងន់កបែបនេះ។

https://s9.kh1.co/__image/w=650,h=366,q=100/28/2832cb695a3d17211c9900fea59995a3661bb5bb.jpg
ទិដ្ឋភាពប្រកួត

មុនការប្រកួតពូល C ចាប់ផ្តើមក្រុម Roma ត្រូវបានគេរំពឹងថា ពួកគេគឺមានលទ្ធភាពស្ទើរតែ ១០០ ភាគរយទៅហើយ ដើម្បីអាចទទួលជ័យជម្នះនៅក្នុងការប្រកួតនេះ ប៉ុន្តែក្រោយមកលទ្ធផលបែជាមិនគាប់ប្រសើរសម្រាប់ក្លិបយក្សរបស់ អ៊ីតាលី ទៅវិញ ដោយពួកគេបានប្រកួតចាញ់ក្រុមដែលមកពីលីគប្រទេស ន័រវែស យ៉ាងចាស់ដៃ។

https://s9.kh1.co/__image/w=650,h=366,q=100/91/91b56d4a0172ceaf9daa056a5232645631a5d688.jpg
លោក Jose Mourinho

ក្រោយបញ្ចប់ការប្រកួតលោក Mourinho បានថ្លែងប្រាប់សារព័ត៌មាន Sky Sport Italia យ៉ាងដូច្នេះថា៖

ខ្ញុំបានសម្រេចចិត្តលេងជាមួយទម្រង់លេងបែបនេះ, ដូច្នេះខ្ញុំនឹងទទួលខុសត្រូវទាំងស្រុង។ ខ្ញុំបានធ្វើវាប្រកបដោយចេតនាដ៏ត្រឹមត្រូវ, ហើយខ្ញុំធ្វើបែបនេះគឺដើម្បីផ្តល់ឱកាសទៅឱ្យកីឡាករដែលពុំសូវបានលេង ក៏ដូចជាកីឡាករដែលមានការព្យាយាមខិតខំប្រឹងប្រែងហ្វឹកហាត់ខ្លាំង ម្យ៉ាងទៀតយើងធ្វើបែបនេះក៏ដើម្បីសម្របខ្លួនទៅនឹងទីលានដែលកំពុងមានអាកាសធាតុត្រជាក់ដែរ។ នោះហើយអាចថាជាមូលហេតុ ដែលខ្ញុំបានសម្រេចចិត្តដាក់ឱ្យកីឡាករសំខាន់ៗសំរាកច្រើន។ យើងបានប្រកួតចាញ់ក្រុម ដែលមើលទៅពួកគេពិតជាថ្នឹកមែនទែនសម្រាប់ការលេងនៅពេលយប់។ យ៉ាងណាវាជារឿងសាមញ្ញទៅហើយ។ ប្រសិនបើយើងដាក់កីឡាករ ១១ នាក់ពេញសាច់ដូចគ្នា, ក្រោយមក ក្រុមរបស់យើងច្បាស់ជាអាចឈ្នះ។ វាជាការលេងដោយប្រថុយមួយ, ព្រោះអ្នករាល់គ្នាច្បាស់ជាដឹងហើយថា កម្រិតលេងរបស់ក្រុមទាំង ២ គឺមានគម្លាតគ្នាប៉ុណ្ណា។... ដូចដែលខ្ញុំបាននិយាយអ៊ីចឹង, ក្នុងក្រុមទាំងមូលគឺវាអាស្រ័យលើការសម្រេចចិត្តរបស់ខ្ញុំ, ដូច្នេះគ្រប់យ៉ាងខ្ញុំនឹងទទួលខុសត្រូវទាំងស្រុង...៕

  លោក Jose Mourinho

ប្រភពMetro

Sem Kosal
K.S

អត្ថបទទាក់ទង