អង់គ្លេស៖ អតីតកីឡាករជម្រើសជាតិអង់គ្លេស លោក John Barnes បានទទូចលោក Ole Gunnar Solskjaer ឲ្យជ្រើសរើស Mason Greenwood លេងជាជម្រើសដំបូងជំនួស Jadon Sancho និង Marcus Rashford។
ជាការពិតណាស់ នៅក្នុងរដូវកាលនេះ Greenwood រកបានបួនគ្រាប់ឲ្យ Man Utd ហើយនៅក្នុងក្របខណ្ឌ Premier League ខណៈ Sancho ដែលជាកីឡាករចំណូលថ្មីនៅក្នុងរដូវកាលនេះពុំទាន់អាចស្វែងរកគ្រាប់បាល់ដំបូងរបស់ខ្លួនឲ្យ Man Utd បាននៅឡើយទេ។ ងាកមក Rashford វិញក្រោយជាសះស្បើយពីរបួស គេបានបានរកបានពីរគ្រាប់ក្នុងជំនួបទល់នឹង Leicester City និង Atalanta ផងដែរ។ យ៉ាងណាក្តី តាមយោបល់លោក Barnes គិតថា Greenwood គួរតែលេងជាជម្រើសដំបូងជំនួស Sancho និង Rashford។
លោក Barnes បាននិយាយថា៖
Rashford នឹងមិនអាចលេងជាជម្រើសដំបូងបានឡើយពីព្រោះរូបគេមិនទាន់មានរដូវកាលល្អបំផុតនៅឡើយទេមកទល់ពេលនេះ។ ខ្សែប្រយុទ្ធខាងលើនឹងមាន Cristiano Ronaldo, Bruno Fernandes និង Paul Pogba ហើយ Man Utd នៅមានកន្លែងសម្រាប់ម្នាក់ទៀត។ ពួកគេមាន Greenwood ដែលមានលើសគុណភាពលើសអ្នកណាទាំងអស់ ហើយ រូបគេបានបង្ហាញរួចហើយ ថា គេកំពុងមានទម្រង់លេងល្អជាង Rashford និង Sancho៕
ប្រភព៖ metro
