ដាក់ចំៗហ្មង! Chiellini ថាម្នាក់នេះគួរតែចាកចេញពី Juventus ឲ្យលឿនជាងនេះ - Khmerload

ដាក់ចំៗហ្មង! Chiellini ថាម្នាក់នេះគួរតែចាកចេញពី Juventus ឲ្យលឿនជាងនេះ

https://s9.kh1.co/15/15b3535f75323786ae98909fed6ac0c62dd4817e.jpg
កីទ្បា
 22-Oct-2021 8am · a month ago

Chiellini ថាម្នាក់នេះគួរតែឆាប់ចាកចេញពី Juventus

អ៊ីតាលី៖ ខ្សែការពារ Giorgio Chiellini បាននិយាយចំៗថា ខ្សែប្រយុទ្ធ Cristiano Ronaldo គួរតែចាកចេញពីក្លិប Juventus ឲ្យលឿនជាងនេះ។

https://s9.kh1.co/__image/w=650,h=447,q=100/59/591291c962c6a274927f6e21b3a212742a8b1865.jpg
ខ្សែប្រយុទ្ធ Cristiano Ronaldo
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Ronaldo បានចាកចេញពីទឹកដីក្រុង Turin បន្ទាប់ពីចំណាយពេលបីរដូវកាលជាមួយក្លិបដោយវិលត្រឡប់មកលេងនៅ Manchester United វិញ។ពិតណាស់ថាអ្នកគាំទ្រនិងកីឡាកររបស់ Juventus មួយចំនួនមានការសោកស្ដាយដែលកំពូលខ្សែប្រយុទ្ធរូបនេះសម្រេចចិត្តចែកផ្លូវជាមួយក្លិប ប៉ុន្តែ Chiellini បែរជាគិតថា Ronaldo គួរតែឆាប់ចាកចេញឲ្យលឿនជាងនេះព្រោះពួកគេនឹងអាចមានពេលត្រៀមខ្លួនបើករដូវកាលថ្មីដោយគ្មានគេ។

https://s9.kh1.co/__image/w=650,h=420,q=100/9e/9e714b6e359fe7815014d2319867d360f3f475ec.jpg
ខ្សែប្រយុទ្ធ Cristiano Ronaldo

Giorgio Chiellini បានថ្លែងប្រាប់ DAZN ថា៖

ពួកយើងបានមកដល់ចំណុចមួយដែល Cristiano ត្រូវការក្រុមថ្មីដែលអាចលេងដើម្បីគេបាន ព្រោះកាលណាក្រុមនោះអាចធ្វើបែបនោះដាក់គេគឺ Ronaldo ជាអ្នកសម្រេចចិត្តទាំងអស់។ គេបានបង្ហាញវាហើយប៉ុន្មានខែមកនេះ និងបង្ហាញមកពួកយើង។ នៅ Juventus នេះ គឺពួកយើងដូចកំពុងបានកើតថ្មី បើសិន Ronaldo បន្តស្នាក់នៅ គេអាចនឹងផ្ដល់តម្លៃបន្ថែមដល់ពួកយើង តែវាជារឿងធម្មតាទេបើគេគិតពីអនាគតខ្លួនឯងជាងបច្ចុប្បន្នកាល។ Ronaldo ចាកចេញនៅថ្ងៃទី២៨ខែសីហា។ វានឹងល្អសម្រាប់ពួកយើងបើគេចាកចេញមុននេះ។ ពួកយើងមានការភ្ញាក់ផ្អើលណាស់ហើយពួកយើងត្រូវបាត់បង់ពិន្ទុ បើសិនគេចាកចេញលឿនជាងនេះពួកយើងនឹងមានពេលត្រៀមខ្លួនគ្រប់គ្រាន់។

ខ្សែការពារ Giorgio Chiellini
https://s9.kh1.co/__image/w=650,h=428,q=100/e2/e2d1e5b15f90e7090299f94697e47c517b89a5b4.jpg
ខ្សែការពារ Giorgio Chiellini

ប្រភពgoal

Sok Navin
N.V

អត្ថបទទាក់ទង