មានតែពាក្យសរសើរ! Giroud ថាកីឡាកររបស់ Chelsea ពីររូបនេះនឹងក្លាយជាតារាឆ្នើមនាពេលអនាគត - Khmerload

មានតែពាក្យសរសើរ! Giroud ថាកីឡាកររបស់ Chelsea ពីររូបនេះនឹងក្លាយជាតារាឆ្នើមនាពេលអនាគត

https://s9.kh1.co/50/5069ceefe037cec60df263f4e22b6f31f65466c6.jpg
កីទ្បា
 21-Oct-2021 3pm · a month ago

Giroud ថាកីឡាកររបស់ Chelsea ពីររូបនេះនឹងក្លាយជាជើងខ្លាំងនាពេលខាងមុខ

អ៊ីតាលី៖ ខ្សែប្រយុទ្ធ Olivier Giroud បានកោតសរសើរអតីតមិត្តរួមក្រុមនៅ Chelsea គឺ Mason Mount និង Kai Havertz ថាពួកគេនឹងក្លាយជាកីឡាករកំពូលនាពេលអនាគត។

https://s9.kh1.co/__image/w=624,h=351,q=100/45/45212128223907bcab94e82c08e2e123801e0f12.jpg
ខ្សែបម្រើ Kai Havertz និង Mason Mount
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Giroud ធ្លាប់ជាមិត្តរួមក្រុមរបស់ Mount និង Havertz ដោយពួកគេបានជួយក្រុមលោកគ្រូ Thomas Tuchel ឲ្យលើកពាន Champions League កាលពីរដូវកាលមុន បន្ទាប់មក កីឡាករសញ្ជាតិបារាំងរូបនេះក៏ផ្លាស់ទៅលេងនៅក្លិប AC Milan ។

https://s9.kh1.co/__image/w=650,h=650,q=100/e8/e8bca792dd235124929f11a3a3b2819fda1e44ca.jpg
ខ្សែបម្រើ Mason Mount និង Kai Havertz

Mason Mount ដែលជាកីឡាករបណ្ដុះចេញពីថ្នាលយុវជនរបស់ Chelsea ត្រូវលោក Frank Lampard ហៅមកលេងនៅឈុតធំដោយមកទល់ពេលនេះគេបង្ហាញខ្លួនបាន១១៦ប្រកួតហើយ និងក្លាយជាកីឡាករស្នូលរបស់ Chelsea និងក្រុមជម្រើសជាតិអង់គ្លេស។

https://s9.kh1.co/__image/w=615,h=409,q=100/59/5949e21131fcafbbe4817be8e684130e02f85d09.jpg
ខ្សែបម្រើ Mason Mount

ចំណែក Kai Havertz ដែលជាខ្សែបម្រើឆ្នើមរបស់ក្រុមឥន្ទ្រីដែកអាល្លឺម៉ង់វិញ រកបាន១០គ្រាប់ឲ្យក្លិប ដែលមួយក្នុងនោះគឺគ្រាប់ជ័យជំនះនៅវគ្គផ្ដាច់ព្រ័ត្រ Champions League ទល់នឹង Manchester City ផងដែរ។

https://s9.kh1.co/__image/w=650,h=650,q=100/6e/6e23e6a2e0c063fdf0212be9646e414245478ccf.jpg
ខ្សែបម្រើ Kai Havertz

ដូច្នេះហើយទើប Giroud បានចុចយក Mount និង Havertz ពេលអ្នកកាសែតសួរថាតើមិត្តរួមក្រុមដែលធ្លាប់លេងជាមួយរូបណាខ្លះដែលមានទេពកោសល្យ៖

កីឡាករឆ្នើមបំផុតដែលខ្ញុំធ្លាប់លេងជាមួយនៅ Arsenal គឺ Santi Cazorla ហើយនៅ Chelsea គឺមាន Eden Hazard និងកីឡាករក្មេងៗដ៏ឆ្នើមដូចជា Mason [Mount]និង Kai Havertz ដែលជាកីឡាករមានគុណភាពខុសពីពួកយើង។ ខ្ញុំកំពុងរង់ចាំមើលពេលដែលពួកគេរីកលូតលាស់និងក្លាយជាកីឡាករកំពូល។

ខ្សែប្រយុទ្ធ Olivier Giroud
https://s9.kh1.co/__image/w=650,h=650,q=100/e5/e5afdf140c1a29454605ae2217148fbd07f19f68.jpg
ខ្សែប្រយុទ្ធ Olivier Giroud

ប្រភពmetro

Sok Navin
N.V

អត្ថបទទាក់ទង