អង់គ្លេស៖ លោក Stan Collymore ដែលជាអតីតកីឡាករ Liverpool បាននិយាយថាបើគិតតាមទម្រង់លេងបច្ចុប្បន្ន គឺ ខ្សែប្រយុទ្ធ Mohamed Salah ពូកែជាង Cristiano Ronaldo និង Lionel Messi ទៅទៀត។
នៅរដូវកាលនេះ Salah ពិតជាធ្វើបានល្អខ្លាំងណាស់ដោយរកបាន ១០គ្រាប់គត់ឲ្យ Liverpool ដោយក្នុងនោះរកបាន ៧គ្រាប់ ក្នុងការប្រកួត Premier League និង៣គ្រាប់ទៀតក្នុងការប្រកួត Champions League ដែលធ្វើឲ្យអ្នកវិភាគបាល់ទាត់ជាច្រើនបានកោតសរសើររូបគេជាខ្លាំង។
ដូច្នេះហើយទើបលោក Collymore បានបញ្ចេញយោបល់ថា៖
បច្ចុប្បន្ននេះ បើសិនអ្នកសួរខ្ញុំថាតើខ្ញុំនឹងជ្រើសយកម្នាក់ណាឲ្យលេងក្នុងការប្រកួត ទល់នឹងក្រុមដែលមិនមែនមកពីភពផែនដី គឺខ្ញុំនឹងរើសយក Salah មិនមែន Messi និង Ronaldo ទេ។ ពួកយើងមិនបាននិយាយថាគេជាកីឡាករឆ្នើមបំផុតគ្រប់ពេលវេលានោះទេ។ ពួកយើងកំពុងនិយាយពី ការបង្កើតឱកាស គឺគេពិតជាអស្ចារ្យណាស់ គេបានធ្វើឲ្យមិត្តរួមក្រុមលេងបានយ៉ាងល្អដែរ គឺគ្រប់សប្តាហ៍តែម្ដង។
ប្រភព៖ empireofthekop
