ក្តៅៗ! PSG បញ្ជាក់ថា ជំនួបទល់នឹង RB Leipzig នៃពាន UCL គឺគ្មានវត្តមានខ្សែប្រយុទ្ធលំដាប់ជួរមុខរូបនេះទេ - Khmerload

ក្តៅៗ! PSG បញ្ជាក់ថា ជំនួបទល់នឹង RB Leipzig នៃពាន UCL គឺគ្មានវត្តមានខ្សែប្រយុទ្ធលំដាប់ជួរមុខរូបនេះទេ

https://s9.kh1.co/19/19e8f2e875a56d82725c26a3290c622341bb46d4.jpg
កីទ្បា
 19-Oct-2021 9am · a month ago

PSG បញ្ជាក់ថា ជំនួបទល់នឹង RB Leipzig នៃពាន UCL គឺគ្មានវត្តមាន Neymar ទេ

បរទេស៖ Neymar នឹងមិនត្រូវបានរាប់បញ្ចូលទៅក្នុងការប្រកួតរវាងក្រុម Paris Saint-Germain ទល់នឹងក្រុម RB Leipzig នៃពានរង្វាន់ Champions League ទេ បន្ទាប់ពីគាត់បានជួបនូវបញ្ហារបួសកំលុងពេលបង្ហាញខ្លួនឱ្យក្រុមជម្រើសជាតិ ប្រេស៊ីល។

https://s9.kh1.co/__image/w=650,h=433,q=100/42/42d420351a1128953ab96544f1d33415c0bc0511.jpg
Neymar
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ ការប្រកួតកាលពីថ្ងៃ សុក្រ កន្លងទៅនៅក្នុងក្របខណ្ឌ Ligue 1, PSG ក៏លេងដោយគ្មានវត្តមានរបស់ Neymar ដែរ, ដោយពេលនោះក្លិបអ្នកមានបារាំង បានជួបតទល់ជាមួយក្រុម Angers, ហើយមូលហេតុដែលអវត្តមាន Neymar ពេលនោះ ដោយសាររូបគេជាប់ភារកិច្ចលេងឱ្យក្រុម ប្រេស៊ីល ទល់នឹងក្រុម អ៊ុយរូហ្គាយ នៅថ្ងៃដំណាលគ្នា។

https://s9.kh1.co/__image/w=650,h=366,q=100/08/08aef50c5fd89f7eb1e8dc3062b5a8209bc9795f.jpg
Neymar

អ្នកគាំទ្រសង្ឃឹមថា គាត់នឹងអាចត្រឡប់មកចូលទីលានវិញបានទាន់ពេលសម្រាប់ការប្រកួតវគ្គជម្រុះតាមពូលនៃពានរង្វាន់ Champions League ទល់នឹងក្រុម Leipzig នៅយប់ថ្ងៃ អង្គារ, ប៉ុន្តែបើតាមការបញ្ជាក់របស់ក្លិបយក្សបារាំង បានឱ្យដឹងថាខ្សែប្រយុទ្ធសញ្ជាតិ ប្រេស៊ីល នឹងត្រូវអវត្តមាននៅក្នុងជំនួបនេះហើយ ដោយសារតែបញ្ហារបួស ហើយរូបគេត្រូវការសម្រាកព្យាបាលមួយរយៈទៀតសិន៕

ប្រភពGoal

Sem Kosal
K.S

អត្ថបទទាក់ទង